Thriller AJNABEE(Completed)

[Itz Anjum]

Update14



Fir wahi party fir wahi log fir meri shaadi ki baatein,
Abhi school bhi khatam nahi hua aur....
Disha red colour ke dress me parti jaisi lag rahi thi
Lekin man udas tha.bas thodi ummed thi ki ragini aayegi saath me aakash bhi.lekin saare guest ke aane ke bawjood abhi tak unka koi ata pata nahi tha

Door khade vikrant goel ke saath ek aadmi khada tha aur haathon me whisky ka glass pakde hue dono disha ko dekh rahe the

"To inder aaj tay kar hi lete hai,disha hamare ghar ki bahu banegi"vikrant goel bola

"Sahi hai,der kis baat ki hai"inder whisky ka glass lete hue bola

"Lekin uske baad disha ke naam ki property jo uske maa baap chor kar gaye hai aadhi aadhi"vikrant goel bola

"Ye bhi kehne ki baat hai,jald se jald ye ladki ki shaadi ho jaaye fir hum azaad ho jayenge,abhi tak sirf ek naukar ki tarah lag rahe the lekin shaadi ke baad property ke maalik honge"gusse se inder poori glass khatam kar gaya

Party shaan se chal rahi thi.raunak thi ,ek sweet si music bhi chal rahi thi
Lekin disha ka man tha hi nahi party me

"Uff tragic ki wajah se itna late ho gaye ki poocho mat"

Ye ye awaz to ragini ki hai,y yani aakash bhi aaya hoga

Disha daudkar bahar gayi.ragini aur uske mummy papa sabse baatein kar rahe the
Lekin aakash???nahi aaya??k kyun???
Rona a gaya disha ko,kyun aakash kyun???

Dukhi man se ja hi rahi thi ki

"Mujhe dhoond rahi thi??"peeche chaunkar disha ne dekha ki aakash muskura raha tha

"A a aisa kyun lagta hai tujhe??"disha ne gusse se poochha

"To idhar udhar dekh rahi thi ...."aakash bola

"Uff idiot mai apne dost ragini ko dhoond rahi thi...haan wo rahi ab hat ja peecha"bol apni kohni se aakash ke pet par maarkar chali gayi disha

Aakash fir apna sar khujate reh gaya aur disha man hi man muskura uthi

ALAKH NIRANJAN

ek zordar awaz hui aur sab chup ho gaye
Ek safed labade me lipta ek aadmi aaya,jiske saath kai log the jo shayad uske shishya the,us aadmi ki nazar ek baar aakash ki aur gayi.
Aakash muskuraya,safed labade me lipta aadmi bhi muskuraya

"Yahi hai wo"guru ji muskurate hue apne phone me kuch dabaya aur wapas phone rakh diya

Aakash taiyar ho gaya,mohre apni jagah baith gaye the
Uska maksad uske paas tha,bas shrap kaise bhi karke hat jaaye
Lekin use pata tha ki ek nahi kai logo se ladai karni hai
Shayad is baar aakash jaisa koi na mile

"Kya akele akele soch raha hai bhaiya,ye dekh meri besty disha jiska b'day hai aaj"ragini ne introduce karwaya

"H..hi... aakash m... malhotra"aakash ne apna haath aage karke peecha hata liya use saaf kiya fir aage kiya

"Ye kya harkat kar raha hai bhaiya tu??"ragini irritate hokar boli

"Koi baat nahi rags,hum dono ek hi class me hai tu ja enjoy kar mai kuch baatein karti hoon isse"disha boli
Ragini muskurate hue chali gayi

"Kya baat hehe karni hehe hai"aakash bol aur bewkoof ki tarah hasne laga

"Bewkoofo ki tarah na haskar bahar chalo"disha boli

"Kidhar??"aakash bola

"Terrace par"disha boli
Aakash disha ka haath thamte wala tha.jise disha ne dekha aur ek nazar aakash par daali.aakash ne apna haath wapas hata diya

Dono terrace par pohuch gaye the
"Haan ab bolo "disha ne aakash ko dhakka dekar diwar ke paas sata diya

"K kya kar rahi ho log galat samjhenge"aakash pasine se bheegte hue bola

"Samajhne do"disha ne apne baalon se khelte hue bola

Is ladki Achanak kya ho gaya hai,uff...

Tabhi ek awaz ne dono ka dhyan tod diya
Disha aage ja rahi thi lekin aakash ne uska haath pakadkar peeche kar diya
Disha chaunk uthi.abhi tak aakash ki disha ko choone ki himmat bhi nahi aur ab usne disha ka haath itni sakhti se pakda hai ki ....

"Hat jao disha"aakash bola aur apne coat ka button khilkar,tie nikalkar apne shirt ke cuffs uthakar ,ghadi nikalkar disha ko pakda hia

"Saamne a jao"aakash bola

Talwar liye ke shaks khada ho gaya,safed kapde me

Daudte hue apna talwar lahraya aakash ko maarna ke liye lekin bijli ki foorti ke saath aakash hat gaya
Lekin usi beech us shaks ne ek laat bhi jad diya aakash ki aur jise usne haath se rok liya

Shaks ne talwar ko aasmaan ki aur dikhaya aur aasman se kareeb 100 Talwaar aakash ki aur lapki
Aakash ki aankhen Kaali ho gayi kaano se ,sar se har taraf se dhuan nikalne laga aur ek kaale baadal ne aakash ko gher liya

Talwaarein aakash ki aur aane lagi lekin aakash ke aaspaas mandrate hue kaale baadal ne aakash ke upar ek dhaal si paida kar di thi

Aakash ne apne haatho ko ek ghumav diya aur andhere baadal ne kai chote talwaron ka roop le liya aur goli ke raftar se is safed shaks ki aur badh chale
Lekin isse pehle ki is shaks tak pohunch paate wo shaks gayab ho chuka tha
Disha aankhen fad kar dekh rahi thi sab iske samajh me kuch nahi a raha tha
-------------------------------------------------------------------------------
Akhirkar varun sahara desert pohunch hi gaya tha

"Dhat us awaz ne kaha tha ki ek baar is jagah par pohuch jaun fir wo mujhe kuch shakti dega jisse me us aakash se badla le saku"varun bola

Raat ke andhere me sahara marubhoomi ke ret rahasyamayi ho jaate hai aur ye baat varun ko pata chalne wali thi
Bohut jald



Story achi laga to inbox zroor kara thanks

 

[Itz Anjum]

Update15


Sahara ke ret ka halka sa jhoka dheere dheere varun ko gherne laga

"Uff ye toofan,wo awaz kyun nahi sunai de rahi hai jisne mujhe yahan bulaya tha??"varun bola

Halki si toofan si mehsoos hone lagi varun ko.wo bachne ke liye bhaagne laga .

Lekin bhag nahi paaya,uske pair jad gaye the

"Ye .k.kya ho raha hai.m mere pair hil kyun nahi pa rahe hai aur ye saare ret mere sharir se chipak kyun rahe hai??"varun bola

Ret ka toofan dheere dheere varun ko apni agosh me lene laga
Varun ne bohut haath pair maare lekin...


AAHHHHH....AAIIIIIIIIIIIIIIIIII

varun ki cheekhein sahara ne goonjne lagi.lekin aadhi raat ko varun ki cheekhe sunne wala koi nahi tha
Dheere dheere cheekhein shant ho gayi

Varun ka sharir sthir ho gaya

"Aakhirkar mukti mil hi gayi ha ha ha ha ha ha"
Varun ki hasne ki awaz sahara me goonjne laga

-------------------------------------------------------------------------------

ankhen kholi disha ne
Saamne aakash khada tha

"Baap re hum to dar hi gaye the beta"disha ki mami boli

Disha jhat se uth gayi
"M mai k kaise ,mai to terrace par..."

"Tum aakash se baat karte hue gir gayi beta "mrs malhotra ne disha ke baalon par haath ferte hue kaha

Aakash door khada muskura raha tha
Disha kuch der tak tak dekhti rahi aakash ko fir muskura di
Yani sab Sapna tha,wo andhera,wo talwaarein
Dhat

-------------------------------------------------------------------------------
Doosre din school me

"Wah Wah tune to kamal kar diya,cobra gang ki band baja di jio beta"golu gala faad kar chillaya

"Shhh chup kar"aakash ne golu ka muh band karte hue bola

"Arr ruk ruk disha disha...idh idhar hi a rahi hai"golu bola

Disha sachmuch aakash ki aur hi a rahi thi

"Birthday present kahan hai mera???"disha ne kamar par haath rakhte hue kaha

Aakash tezi se apne pocket check karne laga
Shit purse ghar me hi bhool gaya

"W wo ammmm..kal le aaunga pakka promise,bhool gaya"aakash bola

"Relax mazak kar rahi thi, birthday ka gift to kal aunty ne de hi diya tha"disha haste hue boli

Aakash disha ki muskurahat me kho gaya.

"Itne der se disha ko dekh raha hai ,bol kyun nahi deta ki tu uss..bbbb bbbb"golu ka.muh band kar diya tha aakash ne

"Kya ?? aakash mujhse??"disha ne poochha

"Kuch nahi wo mujhe kuch notes lene the,wahi ye golu ka bachha keh raha tha"aakash bola

Disha muskurayi

"Kya ho raha hai bhai??"peeche se ragini ki awaz aayi sabko

"Rags,"bol disha daudkar ragini ke gale lag gayi

Aakash muskuraya,lekin uski muskurahat ek jhatke me gayab ho gayi ek shaks ko dekhkar

"Uff dekho mai introduce karwana hi bhool gayi,this is shlok and shlok mere bhaiya,disha meri besty and golu bhaiyya"ragini boli

"Hey hey hey,ek minute mera nam gokul hai golu nahi"golu gusse se bola

"To kya,aap golu bhaiyya ho"

"N nahi gokul"

Baatein chal rahi thi lekin aakash aur shlok ek doosre ko dekh rahe the
Dekh nahi rahe the
Ghoor rahe the



Story axhi laga to inbox zroor kara thanks

 

[Itz Anjum]

Update16


"well well tujhe nahi lagta ki tu aakash bhaiyya se kuch Zyada hi baatein kar rahi hai aajkal??"ragini ne disha ke kandhe par haath rakhte hue kaha

"Uh...n n n nahi to,tujhe aisa kyun lag raha hai..."disha ne jhat se jawab diya

"Ohk....yani tere aur bhaiya ke beech me kuch bhi nahi hai"Ragini ne poochha.

"Well....just friendship bas"disha boli

"Chalo acha hai,papa aur vikrant uncle bhaiyya aur simran ki shaadi ki baat karne wale hai fir se"ragini boli

"Kya???lekin engagement to toot gayi thi na, aakash ne khud toda tha engagement"disha boli

"Haan bhaiyya ne tod diya tha engagement lekin fir vikrant uncle aur papa ne fir se baat karni shuru kar di,chor na ye sab chal canteen chalte hai"ragini boli aur chal di
Disha chupchap khadi rahi

"Kya hua??chal na??"ragini peecha mudkar boli
Aur fir disha dheere dheere chali gayi

Ye sab door se dekh rahe the shlok aur aakash
"Dekh raha hai ye sab??"shlok ne aakash se poochha

Aakash chup raha

"Kisi Masoom parivar me ghus kar apna ullu seedha karne wala hai tu"shlok fir bola

Aakash abhi bhi chup raha

"Logo ko bharosa hai ki aakash wapas a gaya hai aur ab unke saath hi rahega"shlok ne kaha

Aakash jaane laga to shlok ne uske kandhe par haath rakha

Aakash ki aankhen Kaali ho gayi,to uske jawab me shlok ki aankhon me bijli ki kadkadahat dikhai diya aakash ko

"Tujhse kuch kam nahi hoon,tuj par nazrein hai meri.is parivar ko kuch bhi hua to teri khair nahi"bol shlok ne wapas apna chashma pehna aur chala gaya

Aakash wapas mudkar jaane hi laga tha ki

DHAM

ek zordar dhakka laga use aur neechr gir gaya aakash

"Chh chh chh bacche ko dhakka laga"koi college ki ladki ne kaha

Aakash ladki ki aankhon me aankhen dalkar khada ho gaya

"Rasta bohut kathin hai,bach ke rehna ....bachhe"bol ladki muskurate hue chali gayi
Isi ke saath kal raat ko ladai hui thi
Damn it


Kitne??aur kitne peeche ayenge mere??
Yahi sochta raha aakash
-------------------------------------------------------------------------------
Varun jab school pohuncha to kuch alag hi dikh raha tha

"Varun ???"alicia ki awaz aayi peeche se
Varun ne dekha ki ek hot si ladki a rahi hai saamne

"Kahan tha itne din??alica ne poochha

"Bas thoda free ho raha tha"varun bola

"Tumhare absence me aakash ne tumhare behen se badtameezi ki"alica varun ke kareeb jaane lagi
Lekin varun ki nazrein disha ki taraf thi
Ek kutil muskurahat honto par tair gayi varun ke

------------------------------------------------------------------------------
School me disha bas khoyi hui thi aakash ke baare me
Ab tak ache se aakash ke baare me jaanti nahi thi

Wapas ghae jaate waqt aakash dikhai nahi diya disha ko
Man bujh sa gaya disha ka
Mood bhi off ho gaya

"Mangni jald hone wali hai hamari"ek awaz ne Disha ko chaunka diya aur dara bhi diya
Peecha mudi to varun muskurate hue dikhai diya

"Hi, disturb to nahi kiya??"muskurate hue varun ne poochha

Disha chupchap khadi rahi
Varun ne paas aakar uske gaalon se apni ungli ko ferte hue bola
"Bohut khoobsoorat..... Hamari jodi khub jamegi"

"Mujhe nahi lagata"door khade aakash ko dekhkar varun ruk gaya aur apna haath hata liya disha ke gaalon se

Disha daudkar aakash ki taraf gayi
Varun hasne laga

"4 baar lade hai hum,aur 3 baar tujhe buri tarah se hara diya tha"varun bola

Aakash ne kuch nahi bola,sirf disha ka haath thame raha
Disha ne bhi aakash ka haath kaskar pakad rakha

"Disha meri banegi aur tu.....tu bas dekh kya hota hai tera"bol apni muthhi bheech liya varun ne
Laga jaise mitti bijli ho haatho se

"A aa... aakash m mujhe dar lag raha hai"bol disha ne apni bheegi aankhon se aakash ki aur dekha

"Mai hoon na"muskurate hue aakash ne jawab diya aur disha ke haatho par apna haath rakh diya




Story achi laga to inbox zroor karA thanks

 

[Itz Anjum]

Update17

"batata Kyun nahi hai use??"golu bola

"Hun??kise??"aakash ne poochha

"Tujhe pata hai kiske baare me baat kar raha hoon"golu ne aakash ke kandhe par haath rakhte hue kaha

Aakash chup raha
Abhi tak disha ko bata nahi paaya hai,lekin abhi uska dimag disha ki taraf nahi tha
Abhi shlok aur baaki logo ki taraf tha

"Chor tere se nahi hoga,mai chalta hoon.bye"golu chala gaya

Aakash jaane ke liye jaise hi apna pair aage badhaya use ek vriddh dikhai diya saamne

Aakash ruk gaya aur vriddh uske paas aaya

"Pareshan se lag rahe ho??"vriddh Bola

Aakash ne vriddh ki aur dekha ,koi 80 saal ka hoga,chehre par ek muskaan aur bohut shaant sa chehra
Jaise sab kuch chor chaar ke is duniya ke mayajal se bahar a gaya ho

"Bohut chinta ho rahi hai.hai na??"vriddh ne poochha

Aakash chup raha

"Jab kuch samajh me na aaye dil ki suno"vriddh bola aur jaane laga

"R rukiye ,aap logon hai vriddvar??"aakash ne poochha

Vriddh muskuraye aur jaane lage

"Aakash ??"peecha se disha ki awaz aayi

Aakash chaunkar peeche muda wahan koi nahi tha,fir vriddh ki aur dekha.lekin waha koi nahi tha
"Dil ki awaz.hmmm"aakash apne ghar ki aur jaane laga

"Wah pata nahi tha ki yahan milega tu??"varun bola

Aakash ke kuch samajhne se pehle hi varun ke haath ne mitti ka roop le liya aur ek vishalkay hathouda ban gaya
Isse pehle ki aakash kuch samajh paata

Varun ka haath lehraya hawa me aur

DHADDDDD.

ek zordar maar padi aakash ko,aur uska sharir chitak kar door ja gira
Lekin girte hi aakash bijli ki tezi se khada hua
Aur muskuraya

"Ha mout ke saamne muskura raha hai mai tujhe ai...."bol bhi nahi paaya poori baat varun kyunki jakad gaya tha uska sharir

"Teri parchai mere kabze me hai varun"aakash muskuraya
Lekin muskurahat zyada der tak nahi tiki

Varun ka poora sharir mano ret ki tarah toot raha Ho
Aur isse pehle ki kuch samajh paata varun ka sharir zameen me Kho gaya

Aakash idhar udhar dekhne laga

Tabhi peeche se khada hua varun
Aakash ke mudte hi

DHAMMMM

ek aur zordar takkar aur aakash fir door ja gira

Aakash uthkar khada ho gaya aur dheere dheere kaale dhuen me badalne laga

Isse pehle ki varun kuch samajh paata
Kaala dhuan dheere dheere varun ko gherne laga aur uske beech se hara dhuan chabuk ki tarah maarne laga varun ko

"Aahhh kaafi powerful ban gaya hai tu.par yaad rakh zald wapas aunga"bol varun gayab ho gaya

Kaala aur hara dhuan wapas aakash me badalne laga

"Hmmf ...hmmf. Kaafi kamzori lag rahi hai"bol pasine se bheegte ladkhadate hue wapas ghar chala gaya
------------------------------------------------------------------------------
"Whoa,kya party thi"ek ladka night club se nikalte hue bola
Saath me 2 log aur the

"Abey dekh saamne ek paagal chand ko dekh raha hai"doosra ladka bola

Raat ke waqt ek aadmi sachmuch baithkar chand ko dekh raha tha

"Chandamama door ke,pue pakaye boor ke"chand ki aur dekh kar bol raha tha baar baar

"Abey paagal chand hai wo chanda mama nahi hai"teeno me ek ladka bola

"Shhhh chandamama ki bezzati mat karo"wo aadmi saamne mudkar apni ungli honto par rakhkar bola

"Duh ,Abey wo moon hai samjha"doosra ladka bola

"Aise nahi manega ye"bol teesra ladka us aadmi ke paas jaakar apne beer ki bottle uske sar par udel kar saara beer sar par daal diya

Ha ha ha,hasi ki awaazein aane lagi
Hasne me wo log ye nahi dekh rahe the ki ek SUV udkar unke sar ke upar hawa me ghoom rahi thi

"Hmm"

BHADAAAAAAAAAAAM

badi si suv car teeno ke upar gir gayi aur teeno ki kuchalkar wahi mout ho gayi

"Chandamama ki shakti, gurutvakarshan shakti"aadmi muskurate hue bola

Story Axhi Laga To Inbox Kara Thanks

 

[Itz Anjum]

Update18



Chand ki aur dekhkte hue us aadmi ne apna pet pakda

"Bhook"bola wo aadmi aur idhar udhar dekhte hue badne laga

Door sadak ke kinare ek dhaba band ho raha tha
Sara saman idhar udhar bikhra pada tha

"Aisa kab tak chalega anju didi??har hafte ye log hafta le.jaate hai .police ko kyun nahi kehti aap??"ek 18 saal ka ladka bola

Anju naam ki ladki muskurai aur us ladke ke paas aayi

"Kyunki tujhse baal.mazdoori karwa rahi hoon na isliye nahi ja sakti"us ladke ke sar par haath rakhte hue anju boli

Ladka kuch bolne hi wala tha ki ek aadmi aaya ander

"Bhai dhaba band hai.kal aana"ladke ne bola

"Bohut bhooka hoon.kuch khaya nahi do din se"aadmi bola

Anju ne aadmi ki aur dekha.kamzor sa lag raha tha.bohut gande kapde pehne the
Sar bhi gila tha

"Rahim ja jakar iske liye roti sabzi le a"anju ne ek ladke se kaha

"Lekin didi khana to sirf aapka bana hai,baaki sab ghar ja chuke hai khana khakar"tamim bola

"To mera khana hi de de ise"anju boli

Aadmi zameen par baithne hi wala tha ki anju ne chair par baithne ke liye bol diya

Aadmi muskurate hue baith gaya aur khana khane laga
-------------------------------------------------------------------------------
Aakash school ki aur ja raha tha

"Ruk"ek ladki ki awaz aayi use
Lekin us awaz ko sunkar aur tezi se chalne laga

"Ruk ja aakash,ya jo bhi naam rakha ho tune"ladki ki awaz fir aayi

Aakash ab ruk gaya

"Kitna bhagega apne aap se??"ladki paas aate hue boli

"Jitna ho sake,mai ab sab kuch bhool kar nayi zindagi jeena chahta hoon"aakash bola

"Ha ha ha.agar itna aasan hota to pitaji kab ka ye kar dete,maa na marti aur tu apna pyaar na khota"ladki boli

"Chup ho ja"aakash ne sar jhukakar kaha

"Ha ha apni behen ko chup karayega??kitne logo ko maara hai tune???kitne masoomo ko berahmi se kuchla hai,yaha tak ki apni premika ko bhi maar diya tha,yaad haaakkkkkkkkkkk"
Ladki ki awaz ruk gayi kyunki aakash ne uska gala kaskar pakad rakha tha

"Sshhhh ekdum chup.yahan mai ek bechara sa ladka hoon aur wahi rehna chahta hoon,disha ka pyaar chahiye mujhe samjhi.aage se mere raaste me na aana"bol aakash ne us ladki ka gala chor diya aur jaane laga

"Aur haan meri koi behen,pita ya dost nahi hai.pichle saare rishte khatam"bol aakash chala gaya

"Hah apne sage sambandhi ko door sakh sakta hai tu,lekin apne dushmano ko???"bol ek kutil muskan tair gayi is ladki ke honto par

Aakash aage badh hi raha tha use disha dikhai di
Aakash ne apna baal wahi bewkoofo wala banaya aur paas gaya

"G good morning disha "aakash ki awaz sun disha khil gayi.lekin banawati attitude dikhakar boli

"Tu??kal varun se bohut pita na??"bina aakash ki aur dekhkar aage jaate hue boli

"N nahi ladai shuru hone se pehle hi maine suljha liya tha"aakash bola

"Hmmf mujhe laga tu hero bankar bacha lega"disha boli

"Jab sabkuch baato se sulajh jaaye to maarpit ki kya zaroorat"aakash muskurate hue bola

Disha muskurayi lekin jhat se serious ho gayi
"Waise aaj raat ko party hai,aamtour par tujhe invite nahi karnewali thi.lekin kya karoon ragini ka bhai jo thehra,to fir tay raha aaj sham ko 8:00 baje"bol disha man hi man khush hui

"Wo mai thoda busy......"aakash dheere se bola

"Kya??nahi aayega??"disha ki gussail nazar aakash ki aur padi
Aankhen peeli hone lagi

He kaal bhairav iski shaktiyan to...

"Mai aunga aunga disha ...c chalo class.chalte hai"bol aakash ne disha ko apni aur se dhyan hataya aur fir dono class ki aur chal pade


Story Axhi Laga To Inbox Kara Thanks

 

[Itz Anjum]

Update19

"tumne us ladke par hamla kyun kiya pavitra??"guruji ne ladki se poochha

"Kyunki use abhi ke abhi nahi kuchla to mere maalik ko apna badla poora karne ka mauka nahi milega,uski jaan nahi loongi lekin adhmare karungi"pavitra naam ki ladki boli

"Uske saamne baar baar aana kya sahi hai??"guruji ne poochha

"Us raat ko itna shaktiheen hone ke bawjood wo mujhe hara hi deta,lekin mai bach gayi .us ladki ke birthday party me hi use harana chahti thi"pavitra fir boli

"Fir kal usse takrayi kyun wapas??"guruji ne poochha

"Yaad dilane ki ladai khatam nahi hui hai"pavitra boli aur chali gayi

Ye ladki mere kiye karaye par paani fer degi.kuch to karna hi hoga guruji sochne lage
-------------------------------------------------------------------------------
"Are tumhara naam hi nahi poochha tha kal,kya naam hai??"anju ne poochha

"Shyam bula sakti hai mujhe"raat ko bhook mitane ke baad anju ne us aadmi ko apne paas rakh liya tha staff ke roop me

"Waise shyam khana kaafi acha bana lete ho"anju kheer khate hue boli

"Waise aap bohut achi hai,warna bina jaane pehchane kisi ko yun rakh lena..."shyam bola

"Mera luck bhi kuch zyada acha nahi hai shyam,papa ke jaane ke baad maa.bhi chal basi.papa ka ye dhaba mai hi chala rahi hoon.aaye din gunde yahan se hafta le jaate hai aur baju wale dhaba ke maalik zabardasti yahan se customer le jaate hai,soch rahi hoon band kar doon,lekin papa ka ye dhaba unki jaan se bhi zyada pyari thi...isliye....."Bolte Bolte aankhen nam ho gayi anju ki

Shyam chup chap apna kaam karne laga

"Oye apni maalkin se bol paise nikale"bahar chillane ki awaz aayi

Anju daudkar gayi aur dekha ki uske staff ko gunde berahmi se pit rahe hai

"Are are kal hi to paise lekar gaye the ,fir aaj??"anju boli

"Arey birju??anju ji ko bol de wo kal tha,aur aaj naya din hai,hafta to dena hi padega"ek gunda bola

"Lekin mere paas paise nahi hai"anju boli

"Hmm"bol achanak birju ne anju ke baal pakad liye aur kare me le gaya.baaki gunde bhi wahi gaye

"Aaj sirf hamari pyaas bujha de bas.....baaki sab hafta maaf tera"birju bola aur anju ke kapdo ko nochne laga

Shyam sab dekh raha tha lekin kuch kar nahi raha tha
Ye uska kaam nahi hai
Iske liye wo aaya nahi tha
Lekin.....


Us ladki ne bina soche samjhe vishwas kiya tha us par


Aur aaj

Jab wo musibat me hai tab ...

Shyam ne apna apron utar fenka aur ek laat se darwaza khola

"Tu koun hai be??bhag yahan se"birju bola aur anju ko waise hi thame raha

"Chor do ise"shyam ka sakht chehra pehli Baar anju ne dekha

"Teri to aise nahi maane Ga"bol ek gunde ne haath lehraya hawa me

Shyam hat gaya aur ek mukka maara us gunde ke pet me

DHAMMMMMM


"Akkk"gunde ki aankhen badi ho gayi.muh se paani nikalne laga
Aur wahi neeche gir gaya

Shyam ne apna gardan ghumaya aur aas paas dekha

Ek saath 6 gunde toot pade us par

DHAAMMM THADD. TAAD

saare gunde chitt the

"Anju ji abhi tak in logo ne kitna hafta liya tha???"shyam ne bhauchakki si dekh rahi anju se.poocha

Anju abhi bhi hairani se dekh rahi thi

"Anju ji"shyam.ne fir poochha

"D d dedh lakh"anju boli

"Sun,dedh aur baaki saman todne aur staff ko maarna ka ek lakh aur total dhai lakh nikal warna yahi marenge sab"shyam bola

"D d de de birju"main gunda bola

Aur fir sab paise lekar shyam bola

"10 hazar kam hai,ja jakar apne aaka ko bol de kaise pita yahan,agar wo yahan aaya to usse baaki ke paise le lunga,ja bhag"bol shyam ne bhaga diya sab ko

Anju dheere dheere baitha gayi zameen par
Aaj uske izzat par haath daala gaya tha
Apne aankhon ke aansu rok na paayi wo,bas behti hi ja rahi thi

Shyam paas aaya,use pata nahi tha ki aise me kya karna chahiye,seekha nahi tha usne
Achanak shyam.ke seene me apna chehra chupa kar rone lagi anju,bohut aansu baaki the uske

-------------------------------------------------------------------------------
Disha aaj POORE saj kar ja rahi thi
Aaj party me aakash bhi aayega

"Apne aap ko pehchano "ek awaz se ruk gayi disha

Saamne ek vriddh a rahe the saamne se

"A aap ne kuch kaha mujhse??"disha ne poochha

"Yahi ki apne aap ko pehchano"vriddh fir bole

"Aap koun??mai aapko jaanti hoon??"disha ne poochha

Vriddh muskuraye,disha ko cheenk a gayi

A A ATISHOOOOO

disha ne cheenkne ke baad saamne dekha ,koi nahi tha,yahan wahan dekha,koi nahi tha

Ye uska bhram tha ya....

Khair party time

Story Axhi Laga To Inbox Kara Thanks...!!!

 

[Itz Anjum]

Update20


Aakash ready hokar party me ghusane hi wala tha ki ..

"Oye kidhar ja raha hai??"ek awaz aayi

Aakash ne mudkar dekha ki teen char ladke saath khade the,Alicia bhi saath thi

"Yahi hai wo"alicia boli
Aur teen chaar ladke saamne aaye aur aakash ko gher liya

"Kya chahiye tum logo ko??"aakash bola

"Tu "bol ek ladke ne hawa me haath lehraya ghoosa marne ke liye

Lekin aakash hat gaya,lekin hatne ke baad ek doosre ladke ne ek spinning kick maari aakash ko
Lekin aakash fir hat gaya

Fir to char ladke hawa me haath paanv chalane lage

Aakash ko ache se pata tha ki ye saare Ladke cobra school ke ladke the
Lekin abhi uske paas time nahi tha

Usne do teen haath paanv chalaye aur saare chitt pade the,
Ye sab dekh kar alicia darr jaati hai

Aakash alicia ke paas jaate hi alicia ke chehre par ek mukka kasne wala hi hota hai ki...


Uska ateet

"Saare khatam ho gaye,ab teri baari hai"ek Masoom si ladki ki aankhon ki aansu ki parwah na karte hue bola tha usne

Aur us ladki ka gala pakadte hue aise hi mukka kasa tha usne
Poora haath kaale dhuen se bhar gaya tha uska

Ladki ne apne gale ki giraft na chudate hue bina aankhen band kar bola tha

"Darinda"

Samay ka pendulum wapas aakash ko present par le aaya

THAAK

ek flying kick se door ja gira aakash
Fir aakash par haath pair barsane lage cobra school ke ladke

"Hah kuch kismat thi jo itna hawa me udd raha tha,lekin aaj sabak seekh liya usne,ab chalo"bol alicia sab ladko ko lekar chali gayi

Aakash baitha raha parking area ke basement par
Aankhon me aansu liye

"PASCHATAP se badi koi saza nahi hoti"ek awaz ne aakash ko upar dekhne par majboor kar diya
Wahi vriddh

"Utho"bol us vriddh ne aakash ko uthaya aur apne bag se pani ka bottle nikal kar diya

Aakash ne vriddh ki aur dekha,shant aur ek ajeeb sa tej mehsoos kar Raha tha us vriddh ke chehre se

"Aap koun hai please bataiye na"aakash ne poochha

"Pehle apne kapde thik kar lo,jisse milne ja rahe ho usne aise dekha to ??"vriddh ne muskurate hue bola

Aakash ko achanak yaad a gaya ki party hai aaj,bina kuch soche samjhe jhat se kapde thik karke bhaagne laga

Fir acahank ruk gaya,are wo vriddh koun hai???wapas dekhne par us vriddh ko nahi dekh paya wo
Khair aakash bhaga party ke liye

"Us bachhe ko agar apni manzil nahi mili to duniya ko suraj dekhna Naseeb nahi hoga"vriddh ne apne aankhen band ki
Soch samajhkar is ladke ko sambhalna hoga
-------------------------------------------------------------------------------
"L lekin ragini waha jaana sahi rahega??"shlok bola

"Are party hai,koi maiyyat nahi jo itna dar raha hai,chal jaldi chal"ragini bola

Ye kambakht party warty kya cheezo hai shlok ke maathe nahi pad raha tha
Upar se usko jo maksad diya gaya tha usse halka sa bhatak raha tha wo

"Ab chalega bhi"ragini ne kamar par haath rakhe

"H haan"bol shlok bhi chalne laga
Kuch hi mahine hue is shahar me aaye hue

Ajeeb log,ajeeb sa rehen sehen,jis devi ko dabate rahe hai pairon ke neeche usi devi ki Pooja karte hai saal me ek baar
Jis kutte ko raaste me maarte hai usi ki achi prajati ko ghar me pet ke roop me rakhte hai
Jis ganga ko POORE saal ganda karte hai usi ganga me dubki lagakar paap dhote hai.
Jin Mohammad ne bhaichare ka sandesh diya.usi bhaichare ki dhajjiyan udate hue katle aam karte hai log
Jin logo ke liye isa maseeh ne apni jaan di un logo ne hi unke naam se thagi,farebi aur jaalsazi shuru kar di
Buddha ji ne bodhisatv ke roop me apne bachav ke liye jin martial arts ko duniya ko sikhaya,logo ne usi martial arts se kamzoro ko dabaya
Hai re duniya


"Fir soch me doob gaye"ragini boli
Shlok apne khayalon se wapas aaya

Ragini,kitni bholi hai.na use us kamine haramkhor aakash ke baare me pata hai na hi shlok ke baare me
Jab pata chalega,tab kya shlok ko maaf kar payegi???
Shayad kar payegi,sab to ek jaise hi hai yahan.sochkar dil ko tasalli dene laga shlok

"Wo dekho ice cream??chalo na shlok please ek ek try karte hai"bol ragini

Shlok ne ice cream ke paise dene chahe to ragini ne rok diya

"Arey???kal pav bhaji khilayi thi na??aaj meri baari,dosti me 50-50"bol ragini ne paise chukaye

Shlok has pada,itna aasan nahi hoga ragini ko bhoolna apna maksad poora karne ke baad
-------------------------------------------------------------------------------
"Waise anju ji hum kahan ja rahe hai??"shyam ne poochha

"Bas halka ghoomna ke liye shyam by the way.....k kal ke liye dhanyavad"anju ne shyam ka haath thamte hue bola to shyam chaunk gaya

Anju ko eksaas hote hi usne jhat se apne haath hata liye
Do din pehle hi aaya hua shyam ne dhaba ki soorat badal di poori tarah se
Dhaba bada ho gaya,customers bhi aane lage,hafte lene wale gunde abhi nahi aate.lekin thoda ajeeb hai bas

Tabhi chalte hue shyam chaunk kar pathar sa ban gaya
Laga ki bhoot dekh liya

"Aise chaunk kyun rahe ho ??apne dost se introduce nahi karwaoge??choro mai khud hi kar leti hoon,mera naam pavitra hai"ek saamne se aati hui ladki ne muskurate hue bola

"Anju"muskurate hue bola tha anju ne .lekin shyam ko waha rukna pasand nahi tha

"Chaliye anju ji,hame der ho rahi hai"bol shyam ne anju ka haath thama aur chalta bana
Anju shyam ke apne haath thamane se itna chaunki ki kuch bolta nahi bana usse

Pavitra sirf gusse aur nam aankhon se shyam ko dekhti rahi ek ladki ka haath pakad kar jaate hue

Story axhi laga to inbox kara thanks

 

[Itz Anjum]

Update21



Aakash jab pohuncha tab disha wait kar rahi thi uska

"Itna late??"disha ne aakash ko ghoorte hue poochha

"Wo....thoda late ho gaya"aakash bola.

"Haan to kaise ho gaya late??"disha ne fir poochha

"Bas traffic me fas gaya tha"aakash bola

"Tere hont to cut gaye hai,halka sa khoon bhi a raha hai"disha ne apne bag se ek gel ka tube nikala aur usme se thoda gel nikal kar aakash ke hont par halke halke se lagane lagi

Aakash ye dekh sakte me a gaya.disha ne jaise hi ye dekha wo apne aap ko sambhal kar boli
"Aisa nahi hai ki mujhe teri fikr hai,ye bas insaniyat ke liye kar rahi hoon"

Aakash muskuraya

"Joke mara maine??"disha ne fir ghoorte hue poochha

" N nahi wo.bas kuch yaad a gaya tha"aakash bola

Disha kuch bolne hi wali thi ki use ragini aur shlok dikhayi diya jo idhar hi a rahe the

"Kya baat hai dono ab tak kya kar rahe the???"ragini ne disha ko aankh marte hue kaha

"Wahi jo tu aur shlok kar rahe the"disha ne muskurate hue kaha

"Kya???mai aur ye ???waakkkkk waise bhi we are friends"ragini boli

Shlok aur aakash ki nazrein mili,to baat ye hai aakash kisi se ulajh kar aaya hai.
Par aakash par haath kisne uthaya hai???
Abhi tak koi tees maar khan nahi hua to aakash ko kabu me kar sake
To kya plan kar raha hai ye????

"Zyada dimag par zor nahi daalte shlok ,sar fat jaata hai"aakash bola

"Dalna padta hai jab baat kisi ko rokne ki ho to"shlok bola

"Koi vodka ya whisky ka order dega??"ragini boli

"Please ragini tera bhai yahan hai,kuch to lihaz kar.waise bhi we are under age hame koi kuch nahi dega"disha dukhi hota hue boli


In sab se kuch hi door anju aur shyam baithe hue the

"Wo ladki koun thi shyam?? Usse thik se baat bhi nahi karne diya tumne??"anju halki si naraz hote hue boli

"Thi koi jaan pehchan ki,itni important nahi hai wo,chalo shuru karo kya order karna hai??"shyam bola

"Oh please,treat mai de rahi hoon,so chill.....ummmm haan ye thik rahega"bol anju jaise hi waiter ko dhoondne lagi use ek ladki apne paas aati dikhai di

"Hi mera naam ragini hai,mai aur mere dost wahan baithe hai.actually hum under age hai na,isliye drinks order nahi kar payenge, please aap thodi help kar dijiye na.aap order kar dijiye hum pay kar denge"Ragini muskurate hue boli

"Nahi hum aisa kuch nahi karenge,aap ja sakti hai "shyam ne jhat se bola

"Aww don't de so rude shyam,ladki kitni sweet hai dekho.....haan ragini kya order karna hai batao mai kar dungi"anju haskar boli

"Thank you,lekin aise nahi chalega.aap logo ko hume join karna hoga"ragini boli

"Uff itna pareshan mat karo aur..."shyam ki baat beech me kaat anju boli
"Done"

Aur fir jaise hi shyam aur anju us table par aaye shlok aur aakash chaunk jaate hai shyam ko dekhkar
Shyam bhi halka sa hairan reh jaata hai

"Cheers"bol disha mast hokar dance karne lagi hai saath me ragini aur anju bhi saath dete hai

"Pata nahi tha dushman bhi dost ho sakte hai"shyam ne shlok ki aur dekhkte hue kaha

"Meri kisi se koi dushmani koi dosti nahi hai,sirf maksad poora karna hai"shlok bola

"Ek dum sahi"aakash muskurate hue bola

Night club ke bahar khade varun ne apni ungli se angoothi utar fenki aur use halke se sehlane laga

"Time ho gaya"muskurate hue varun bola
------------------------------------------------------------------------------
KAILASH PARVAT(CHINA)
"Aap uski sahayata nahi karenge,baap hai aap uske"ek boudh bhikshu ek gufa me ek andheri akriti se bola jo baitha hua tha ek sinhasan par

"Ye ab uski zindagi hai,mai kuch nahi kar sakta.usko shrap dekar maine uski shakti kam kar di"andheri akriti bola

"Lekin lag nahi raha hai ki wo zinda rahega.jinte dushman hai uske usse to lagta hai ki wo khatam hi ho jayega"boudh bhikshu bola

"Isliye to tumhare sensei ne bida uthaya hai sab kuch thik karne ka nahi??"akriti boli aur gufa me andhera aur badh gaya

"Aap to sab jaante hai, antaryami hai aap"boudh bhikshu apna sar jhukate hue bola

"Nahi,mai bhagwan ke sabse chote daas me se ek hoon,is duniya me andhera bhi utna hi zaroori hai jaisa ki dukh"akriti boli

"To abhi kya??"boudh bhikshu bole

"Agar wo is layak hai ki is sinhasan ke kaabil hai,to ye dikh hi jayega rahi baat uske sahi salamat ki,to isme mai kuch nahi kar sakta.har paapi ko uske paapi ki saza milti zaroor hai"gufa ke aaspaas bhi andhera badne laga

Bouddh bhikshu ke paas rukne ki koi wajah nahi thi
Usne pranam kiya aur nikal gaya

Story Axhi Laga To Inbox Kara Thanks

 

[Itz Anjum]

Update22



"well we'll guys it's dancing time"anju chillate hue bole
Kuch zyada hi chadh gayi thi use

"Ab yahan koun dance kar...."shyam apni baat poori hi nahi kar paya tha ki anju ne uska haath kheencha aur dance floor Par le gayi

"Arr Mujhe dance nahi aata"shyam dar kar bola.lekin anju ko ghanta fark pada masti me jhoolkar dance karne lagi wo saath me shyam se bhi dance karwane lagi

"Dekho ye sab sahi nahi hai "shlok bola

"Arr kya sahi kya galat chalo tum log bhi jaoooooooooooo"disha ne bhi chadha li thi
Aur ragini aur shlok ko dance karne bhej diya

"A ab kya??"aakash ne poochha

"Abhi hum dono dance karenge "disha ne hairan aakash ka haath pakda aur kheencha kar le gayi dance floor par

---------

"Sir night club band honewala hai, please "staff me aakash se bola

Anju aur shyam pehle hi nikal chuke the,ragini ko shlok chorne chala gaya
Bas aakash ke baahon me jhool rahi disha bachi thi

"Hum aur ruk jaaye aakash"disha ki awaz sahi me piyakkad jaisi jo gayi thi

"Nahi hum jayenge"bol aakash ne disha ka haath a pakda aur gaadi par baitha kar drive karne laga

"You are very sweet and cute aakash pata hai.....he he he"bol disha ne apne honto se kiss karne ke liye aage badh gayi

"D disha tum hosh me nahi ho"aakash bola

"Hosh me nahi aana mujhe "disha boli aur fir aage badhne lagi

Aakash ne fir door kar diya use
Disha hosh me nahi hai,sochkar aakash muskuraya

"I love you aakash"disha dheere se boli

Aakash ka dil dhakk se reh gaya,yahi to sunna chahta tha
Lekin is tarah nahi.poore hosh me sabke saamne wahi propose karega disha ko
Wahi uski jeet hogi

"Mere mama meri shaadi kisi aur se karnewale hai aakash,rok lo mujhe"disha ne bharrai aankhon se bola

Aakash ka dil kaamp utha,disha ki aankhon me aansu the
Aur kandhe par kuch zakhmo ke nishan

Aakash ka chehra sakht ho utha aur gaadi ki speed badhakar le gaya
-------------------------------------------------------------------------------
"Aapko pata hai pavitra kya karne aayi hai??'guruji ne phone me shikayat karni shuru kar di thi

"Pata hai"doosri aur se Awaz aayi

"Agar pata hai to kyun nahi kehte dekh kar hamla karne ke liye aakash par??"guruji bole

"Apni aukat na bhool,tu jo hai meri wajah se hai.agar mera haath tere sar par se hat jaye to tu kuch bhi nahi"doosri aur se sakht awaz me koi bola

"M maaf kijiye"guruji jhat se apna rang badalte hue bole

"Hmm bohut ache,ab dhyan se sun us aakash se tera koi matlab nahi hai, pavitra jaisa kar Rahi hai karne de,maine kuch aur pyade bheje hai.aur bhi bhejunga.us ladke ki mout mere haatho likhi hai "awaz me gussa tha

"Ji mere liye kuch hukum??"guruji bole

"Bas nazar rakhna uspar aur Kuch bhi ho to pavitra ko bata dena"phone cut chuka tha

-------------------------------------------------------------------------------
Varun night club ke bahar khada tha abhi bhi
Tabhi do parchai saamne aaye

"Ninku ko kyun bulaya"kala kapda odhe naqab pehne peeth par talwar liye khada hua

"aur shouji ko???"safed baalon wala ek ladka bhi khada hua
Jiske sharir par taash ka ikka bana hua tha

"Ha ha ha,isliye bulaya kyunki ek khaas maksad ko anjam dena hai,aur use bemout maarna hai"varun bola aur iske saath hi kuch parchai aur bhi saath judne lage

 

[Itz Anjum]

Update23


Golu school jaane ke liye local train se utarkar ek sunsaan gali se nikalne laga tabhi use ek ajeeb sa aadmi dikhai diya

"Hello Goku??kaise ho??"aadmi muskurate hue aage aaya aur taash ke patte ko hawa me uchhalta aur lapakta

"Koun ho tum??aur mujhe kaise jaante ho??"golu bola

"Hmm eh eh eh,jaante nahi hai hum.bas naam pata hai,aur tumhe khatam karna hai"aadmi bola

Golu samajh chuka tha ki uski jaan khatre me hai.wo ulte pair bhaga aur kaafi dur a gaya bhaagte bhaagte
Ek jagah ruk kar haamfne laga wo

"Ch ch ch kitna bhagna padta hai,hai na??lekin shouji se bachkar aajtak koi nahi bhaag paaya"bol kai taash ke patto ko hawa me uchal diya usne aur aankhen band karke apne ek haath se taash ke patto ko hawa me hi dhakel diya

Hawa me taash ke paate bijli ki tezi se udte hue golu ke sharir me ghaste gaye

KHACHHHHHHH


"Uhgggg"bol golu let gaya,sharir me ghuse hue taash ke paate wapas sharir se nikalakar hawa me lahraye hue shouji ke paas a gaye

"Aaj fir se khoon saaf karna padega,kitna kaam katwate ho tum log.....haan waise agar zinda raha to aakash ko bolna shouji ne hi bola hai"bol ulte paanv chala gaya shouji

-------------------------------------------------------------------------------
Aakash ko class me khabar mili aur daudte hue hospital chala gaya

"Icu me hai beta"bol golu ki maa ka ro ro kar bura haal tha

Aakash ne apne aankhon se aansu ponche aur dilasa dene laga golu ki maa ko

"Ye saza mili tere saath dosti nibhane ki"shlok bola

Aakash ne chaunkar shlok ki aur dekha

"Tujhe kya lagta hai??hum logo ka is jagah par aam zindagi jeena aasan hai???wo log a chuke hai aur tere sabhi karibi logo ko nishana banayenge"bol shlok chala gaya

Aakash dekhta raha shlok ko jaate hue.llekin aankhon me aansu liye wo bebas dekhta raha shlok ko jaate hue,aankhen band kiya usne aur ateet me chala gaya

"Mat maro dard hota hai"ek ladki ne rote hue gidgidaya tha

"Pata hai na tujhe mai koun hoon??andhera mera gulam hai,tere dost ne mere saamne jhukne se mana kar diya tha na??ab bhugat"aakash ne kaha tha

"Isme mera kya kasoor hai?use boliye na mujhe chor diji......AKKKKKKK"

DHAMMMMMM

ek zordar ghoosa maara tha us ladki ke pet me aakash ne

"Uski galti ki saza isliye mil rahi hai tujhe,kyunki wo tera dost hai"aakash bola
Ladki behosh hokar neeche gir gayi

Aur aakash seeti bajata hua aage chala gaya

Aakash ne aankhen kholi
Samane vriddh bouddh bhikshu baithe hue the

"Karm"vriddh bhikshu bole

Aakash ne vriddh ki aur dekha

"Karm ki saza har kisi ko milta hai,chahe aaj karo ya kal,acha karoge to acha,bura karoge to bura"vriddh muskurate hue bole

"To ab mai kya karun??"aakash bola

"Apne paapo ka prayashchit"bol vriddh chale gaye uthkar
-------------------------------------------------------------------------------
Ragini aur shlok raaste me ja rahe the .golu ki haalat sunkar ragini ka mood off tha

"Golu bhaiyya par kisne hamla kiya hoga shlok??kitni bedardi se maara hai"ragini boli

Shlok chup raha

"Golu bhaiyya ki to kisi ki dushmani bi nahi hai,hai na??"ragini boli

"Dushmani to Teri bhi hamare saath nahi lekin fir bhi tu maregi"ek awaz ne ragini aur shlok ko chaunka diya

Peeche kaale kapdon me ek shaks khada tha jiska muh dhaka hua tha aur aankhen band thi

Shlok ke muh se achanak nikla
"NINKU"