Thriller KAYAKALP

[Rockstar Rocky]

Shukriya, bas aap sabhi hasinaao ke pyar ne story shuru karwa di hai.
Khair intzaar rahega aapke reviews ka, sath bane rahiye

Hum fir job chod de

 

[Aakesh.]

Ab se nazar ka chashma laga ke story read karna bhai
Story me saaf shabdo me likha gaya hai ki kaale labaade ke hath me jo revolver tha uski naal par silencer laga hua tha aur jab usne disuza ko goli maari to bas "Pitt" ki awaaz huyi thi. Ab kya disuza ki biwi aur beti halki Pitt ki awaaz se jag jaati? Mutth maaro lekin thoda kam maara karo mitra

Agar usne uske dard ki taraf dhyaan diya to uska kalyaan ho jayega bhai. Is liye bande ne samajhdari se kaam liya hai

bhai baki bate chhodo aur mujhe ek role de do. us ladki ko ek hero ki jarurat hai

 

[Vaishnavi]

Ham daave ke saath kah sakte hain ki us soorat me tum hamari mohini soorat dekhte hi hame pahchaan jaate. Khair koyi baat nahi, jo kaam pahle nahi kiya vo ab kar lo miyaan."

चौधरी

 

[GhostRider]

Next update kidhar hai TheBlackBlood.

 

[GhostRider]

Mujhe ko abhi read karna tha kuch naya par ju ne abhi tak update nahin diya

 

[GhostRider]

Update do Update do
TheBlackBlood
Jaldi se update do
Humko chahiye update​

 

[TheBlackBlood]

bhai baki bate chhodo aur mujhe ek role de do. us ladki ko ek hero ki jarurat hai

Viraj ju ki pond laal kar dega

 

[TheBlackBlood]

rebo raat ko free hokar...
By the way aapke second part ka wait kaafi lambe time se tha

Ye sab Naina madam ka kamaal hai
Btw thanks bhai

 

[TheBlackBlood]

Update - 02
__________________​

"Kya ho gaya hai tum sabko?" Sofe par baitha shakhs ekaek hi aavesh me aa kar lagbhag cheekh pada tha, bola___"Jisko dekho wahi ek hi zid kiye baitha hai ki shaadi nahi karna. Aakhir kuchh to is khaandaan ki maan maryaada aur izzat ka khayaal karo. Kya soch rahe honge gaanv waale hamare baare me?"

Shakhs ke dwaara kahe gaye in aaveshyukt waakyon se dring room me sannata sa chha gaya. Saamne ke sofo par kuchh ladies baithi huyi thi aur doosre sofo par ladkiya. Ladkiyo ke chehro par chattaan jaisi dradhta kaayam thi.

"Chacha ji mujhe bakhoobi khayaal hai ki is sabse log kya soch rahe honge?" Sofe par baithi ek ladki ne kaha___"Magar aap sabko main hazaar baar bata chuki hu ki meri zindagi par mera koi adhikaar nahi hai balki mera saara jeevan apne bhai raj ki suraksha ke liye samarpit hai. Mera sukh dukh jeevan maran mere bhai raj se hi hai. Aap sab bhale hi use bura samajh rahe hain lekin main jaanti hu ki wo beqasoor hai."

"Maine tumhe kitni baar kaha hai ritu ki us naaspeete ka naam aur zikra mere saamne mat kiya karo." Sofe par baithi ek aurat gusse se cheekh padi thi.
"Hairat ki baat hai chachi ji." Ritu naam ki ladki feeki muskaan ke saath kah uthi___"Aap apne hi bete ke baare me aisa kah rahi hain. Suna tha ki maa apne bachchon ki rag rag se waaqif hoti hai. Phir aapne kaise samajh liya ki aapka beta waisa ho sakta hai?"

"Main kuchh nahi sunna chaahti ritu." Aurat fir se gusse me boli___"Behtar hoga ki tum uske baare me koi baat mat karo. Doosri baat agar tumne yahi soch liya hai ki us begairat ke liye tum jeewan bhar shaadi nahi karogi to theek hai. Ab aaj ke baad koi tumse shaadi ke liye nahi kahega." Kahne ke saath hi wo aurat ek doosri ladki ki taraf palti, phir boli___"Sun liya na tumne apni badi bahan ka faisla? Ab tum ye mat kahna ki jab tak tumhaari didi shaadi nahi karegi tab tak tum bhi shaadi nahi karogi."

"Lekin chachi....." Us ladki ki baat beech me hi kaat di us aurat ne.
"Bas." Aurat ne jhatke se kaha___"Ab koi bahaana nahi sunna mujhe. Agar mujhe apni chachi ke saath saath apni maa bhi maanti ho to mera kahna bhi maano neelam. Upar wala jaanta hai ki pratima didi ke jaane ke baad maine hamesha tum dono ko apni beti hi maana hai. Tum dono ko waisa hi pyaar diya hai jaisa gudiya aur divya ko diya hai."

"Ham jaante hain chachi ji." Neelam ne sajal netron se kaha___"Aur yakeen maaniye ham isse bahut khush bhi hain ki aap jaisi maa samaan chachi hame mili hain lekin shaadi karne ki zara bhi ichchha nahi hoti. Ek hi to sachcha bhai mila tha hame aur wo bhi aaj kayi saalo se laapta hai. Ritu didi ki tarah mera bhi yahi maanna hai ki raj ne jaan boojh kar waisa kuch nahi kiya hoga. Use apni safaayi me kuchh kahne ka mauka hi nahin diya tha kisi ne. Bas jo nazar aaya usi ko sach maan kar use is haweli se nikal jaane ka hukum suna diya gaya."

"Maine kaha na ki is baare me koi baat nahi hogi." Aurat ne phir se gusse me kaha___"Mera ek hi beta hai aur wo hai shagun. Wahi is ghar ka waaris hai."

"Kal ladke waale aa rahe hain." Sahsa ek taraf sofe par baithe shakhs ne kaha___"Aur is baar agar pahle ki tarah koi naatak hua to samajh lena mujhse bura koi nahi hoga."

"Aisa kyo kah rahe hain aap?" Sahsa ek doosri aurat us aadmi se boli___"Shaadi byaah zor zabardasti par to nahi hota na? Ladka ladki ki razamandi bhi to zaroori hoti hai"
"Tum kahna kya chaahti ho karuna?" Shakhs ne naagvaari bhare bhaav se kaha___"Jo log aa rahe hain wo koi aire gaire hain kya? Are wo bhi hamaari tarah bade log hain aur oonche khaandaan se hain. Hamaari neelam beti ko apni palko par baitha kar rakhenge wo log. Ladka videsh me ek bahut badi company me naukari karta hai. Wo neelam ko apne saath hi videsh me rakhega."

"Wo sab to theek hai." Karuna ne kaha____"Lekin agar neelam ko ye rishta pasand nahi aaya ya phir usne is shaadi se inkaar kiya to aap koi zor zabardasti nahi karenge."

"Isme zor zabardasti waali koi baat hi nahi hai bhabhi." Ek anya aurat ne kaha___"Ham sab neelam ke ya kisi ke bhi dushman nahi hain balki apne hi hain aur uski bhalaayi hi chaahte hain. Abhay bhaiya ne soch samajh kar hi un logon ko iske liye bulaaya hai. Doosri baat, har ladki ko ek din shaadi karni hi padti hai. Yahi duniya ka riwaaz hai."

"Main shaadi se inkaar nahi kar rahi badi bua." Neelam ne kaha___"Meri bas ye khwaahish hai ki is sabke beech mera bhai raj bhi maujood rahe. Main uske bina kisi se shaadi nahi karna chaahti."

"Aisa kabhi nahi ho sakta." Pahli aurat ne tapaak se kaha____"Us neech insaan ke paanv is haweli ki dahleez par hargiz nahi padenge. Is liye bekaar ki khwaahish rakhne ka koi matlab nahi hai. Kal ladke waale aa rahe hain. Main ummeed karti hu ki tumhaare dwaara ab is shaadi se inkaar nahi hoga."

Itna kahne ke baad hi wo aurat sofe se uthi aur andar ki taraf chali gayi. Uske jaane ke baad dring room me phir se sannata chha gaya. Idhar neelam ke chehre par gahri udaasi ke bhaav gardish karne lage the. Paas hi ke sofe par baithi us aurat ne neelam ko apne se chhupka liya jise neelam ne badi bua kaha tha.

"Saumya, shaadi ki taiyaariya abhi se shuru kar do." Shakhs ne sannate ko cheerte huye kaha___"Neelam ki shaadi ke kuchh hi waqt baad gudiya ki shaadi bhi hogi aur uske baad divya ki. Ghar me javaan ladkiyo ke yu baithe rahne se kayi tarah ki baate sunne ko milne lagi hain. Is liye ab aur bardaast nahi kar sakte is sabko."
"Theek hai bhaiya." Saumya ne kaha___"Ham sab taiyaariya shuru kar dete hain."

Abhi saumya ne ye kaha hi tha ki neelam usse alag ho kar sofe se uthi aur upar apne kamre ki taraf daudti huyi chali gayi. Uski aankho se jhar jhar aansu bahne lage the. Uske jaate hi ritu uthi aur wo bhi uske peechhe upar ki taraf chali gayi. Un dono ko jaate dekh sabne ek gahri saans li uske baad shakhs bhi sofe se utha aur baahar ki taraf nikal gaya. Saumya aur karuna kisi soch me gum huyi nazar aane lagi thi.

¤¤¤¤¤

Ritu jab neelam ke kamre me pahuchi to neelam ko usne bed par aundhe pade rote huye paaya. Ye dekh kar usne sabse pahle kamre ka darwaza andar se kundi laga kar band kiya, uske baad wo bed ki taraf badhi. Bed ke kinaare par baith kar usne neelam ki peeth par daahine kandhe ke paas bahut hi aahista se apne haath ki hatheli ko fera.

"Neelam." Phir usne dukhi bhaav se use pukaara___"Aise mat ro meri bahan. Aakhir ye kaisa pagalpan hai?"
"Mujhe ji bhar ke ro lene dijiye didi." Neelam ne usi haalat me rote huye kaha___"Bahut samhaala khud ko magar ab aur nahi samhaal sakti main."

"Jaanti hu." Ritu ne kaha____"Magar is tarah rone se bhala faayda kya hoga chhoti? Tujhe wo karna hi padega jo wo log chaahte hain. Unka kahna bhi sahi hi hai ki jawaan ladkiyo ko kab tak ghar me baitha rakhenge? Isse log tarah tarah ki baate karne lagte hain. Khair, mujhe pata hai ki tu shaadi nahi karna chaahti magar kabhi kabhi doosro ki khushi ke liye hame apni chaahato ka gala ghontna hi padta hai."

"Uski bhi to ek seema hoti hai na didi." Neelam ek jhatke se palat kar boli thi___"Ek adna sa insaan bhala kaha tak apni chaahato ka gala ghontta rahega?"

"Jab tak ki is duniya ko ye ehsaas na ho jaye ki wo is sansaar ka sabse bada tyaagi byakti hai." Ritu ne ajeeb bhaav se kaha____"Halaanki duniya waale to aise bhi hote hain ki kabhi kisi ke baare me achchha khayaal nahi rakhna chaahte aur na hi kabhi zaahir karte hain lekin andar se unhe bhi pata hi hota hai ki vaastavikta kya hoti hai."

"Main ye sab nahi jaanti didi." Neelam bed par uth kar baith chuki thi, boli____"Main to bas itna hi samajh pa rahi hu ki ab aur mujhse bardaast nahi ho sakta. Pichhle saat saalo se khud ko samhaal ke rakha hua tha maine, magar ab nahi samhaal pa rahi. Mera apne aap par ab koi zor nahi rah gaya hai. Socha tha ki door rahugi to bhool jaaugi sab kuchh magar nahi, main galat thi didi. Kuchh bhi to nahi bhool paayi main, balki aaj to aisa aalam hai ki pahle se kayi guna zyaada mere zahan me wo sab rach bas gaya hai."

"Mohabbat aisi hi hoti hai neelam." Ritu ne ye kah kar maano dhamaka sa kiya____"Ham jinse mohabbat karne lagte hain na unhe ham marte dam tak bhool nahi sakte. Ham jitna apne pyaar ko bhulaane ki koshish karte hain wo utna hi hame yaad aata hai."

"Ka...ka..kya matlab didi??" Neelam ekdam se chaunki aur uski aawaaz ladkhada gayi. Uska rona dhona ekdam se kisi jaadu ki tarah ruk gaya tha.

"Tu kya samajhti hai chhoti?" Ritu ne neelam ki aankhon me dekhte huye kaha____"Ki mujhe kuchh pata nahi hai? Are paagal main to sharu se hi ye baat jaanti hu ki tu raj se bepanaah mohabbat karti hai. Magar jaane kyo tujhe aisa lagta hai ki main bhi raj se pyaar karti hu, is liye tune meri khaatir apni mohabbat ko kurbaan kar diya."

Ritu ki baat sun kar neelam fati fati aankho se is tarah use dekhne lagi thi jaise ritu ki gardan achaanak hi uske dhad se alag ho kar upar hawa me katthak karne lagi ho. Neelam ke mukh se koi aawaaz na nikal saki thi.

"To..to kya aap raj se py..pyaar nahi karti?" Phir neelam ne badi mushkil se himmat juta kar puchha.
"Karti hu." Ritu ne ajeeb bhaav se kahne ke saath hi apni nazro ko doosri taraf is andaaz se fera taaki neelam ko yahi lage ki wo kamre me rakhi kisi cheez ko svaabhaavik taur par dekh rahi hai, boli___"Haan neelam main raj se bahut pyaar karti hu lekin waisa pyaar nahi balki ek bhai bahan waala pyaar. Mera ye saara jeewan sirf usi ki suraksha ke liye to samarpit hai. Ye alag baat hai ki jiski suraksha ke liye maine apna ye saara jeewan saump diya hai aaj wo meri nazro se bahut door jaane kaha maujood hai."

"Agar aap raj se pyaar nahi karti hain." Neelam ne kahne ke saath hi ritu ka haath pakad kar apne sir par rakh liya, phir boli____"To yahi baat aap meri qasam kha kar phir se kahiye didi."

"Ye kya baat huyi chhoti?" Ritu andar hi andar buri tarah hadbada gayi___"Kya tujhe meri baat par yakeen nahi hai?"
"Haan nahi hai ye yakeen." Neelam ne ek jhatke se kah diya___"Aapko meri qasam kha kar kahna hi padega didi. Aapne mujhe itne saalo se dhokhe me rakha aur main ye soch kar apne raj se door rahi ki aap usse pyaar karti hain."

"Bataya na chhoti ki mohabbat aisi hi hoti hai." Ritu ne neelam ke sir se apna haath kheench kar kaha___"Main kubool karti hu ki main raj se beinteha pyaar karti hu magar meri bebasi ye hai ki main kabhi bhi apne is pyaar ka usse izhaar nahi kar sakti. Mujhe shuru se pata tha ki tu raj se pyaar karti hai is liye maine apne qadam waapas kheench liye the lekin jab tumne sonam se ye kaha tha ki tu mere liye apne pyaar ka balidaan de degi to mujhe tujh par naaz hua. Man me ye khayaal aaya ki meri chhoti bahan apni badi bahan ke liye itna bada tyaag kar rahi hai jabki waisa to mujhe karna chaahiye, kyonki main badi hu usse. Khair, is sabse dukh bhi hua ki main tujhe wo sab na karne se mana bhi nahi kar sakti thi. Us baare me kuchh kahne ka matlab tha ki saari baato ka khul jaana jo ki ek bhai bahan ke beech janme is rishte ke liye jaayaz nahi tha. Maine sab kuchh waqt par chhond diya. Raj tha hi aisa ki duniya ki koi bhi ladki us par mar mitti. Phir chaahe bhale hi wo ladki khud uski apni bahan hi kyo na ho. Mujhe is baat ka bhi pata chal gaya tha ki gudiya raj se toot toot kar pyaar karti hai lekin raj ne uske pyaar ko ye kah kar aswikaar kar diya tha ki ye galat hai. Yahi wajah thi ki gudiya raj ke saamne nahi aati thi kabhi, bas andar hi andar ghutti rahi. Doosri taraf Aasha, haan chhoti...Aasha bhi raj se pyaar karti thi lekin us bechaari ne apni chaahat ko is liye kabhi baahar nahi nikaala kyonki raj use bahan maan kar didi hi kahta tha. Lok laaj ka khayaal hi tha use ki usne andar hi andar tadapna to manjoor kar liya magar zubaan se apne dil ki baat ko baahar nahi nikalne diya. Ab tum khud bataao neelam ki itne saare log jo raj se beintehaan pyaar kar rahe the unko nazarandaaz karke main bhala kaise raj ko unse chheen leti? Sabse bada sawaal to ye bhi hai ki main use chheen bhi paati ki nahi? Raj ham sab bahno ko yakeenan behad pyaar karta hai lekin sirf bahan ke hi rishte se is liye usse apne is pyaar ke rishte ko ujaagar karne ki himmat bhala kaun kar sakta tha? Isse bhai bahan ke rishte me kitni badi daraar aa jaati iska andaaza bhi nahi lagaaya ja sakta tha. Jis raj ke paas ham badi asaani se jaa kar usse hans bol lete the us raj se apne dil ki ye sansanikhez baat bata kar kya ham waise hi maahaul banaye rakh paate? Nahin neelam, balki usse hota ye ki ham sab bahne us sabke baad usse bahut door ho jaati. Hamaare bhai bahan ke rishte me kabhi na mitne waali daraar paida ho jaati. Jitna main raj ko jaanti hu usse yahi zaahir hota tha ki wo hamaare pyaar ke is rishte ko kabhi sweekaar nahi karta."

Ritu ki baate sun kar neelam ekdam se but ban gayi thi. Use lagta to tha ki kuchh na kuchh in sabke saath zaroor hai par kya? Ye use samajh nahi aaya tha kabhi. Aasha ki zabardasti shaadi kar di gayi thi. Gudiya(Nidhi) pichhale saat saalo se khaamosh thi. Wo kisi se koi baat nahi karti thi. Ek haadse ne jaise sab kuchh tahas nahas kar diya tha.

"Aapka maamla to sabse achchha hai didi." Sahsa neelam ne kahi khoye huye se kaha___"Aapne to apna saara jeewan raj ki suraksha ke liye samarpit kar diya hai, jiski wajah se aap par koi shaadi ke liye zyada dabaav nahi daal sakta, magar mera kya? Mujhe to har haal me in logo ke dabaav me shaadi karni hi padegi. Kabhi kabhi to lagta hai ki is sabse bachne ke liye kahi door chali jaau aur phir kabhi laut kar waapas na aau ya apne is dukh bhare jeewan ka ant hi kar du."

"Aisa mat kah chhoti." Neelam ki byatha ka ehsaas hote hi ritu ki aankhe chhalak padi, boli___"Is tarah himmat mat haar pagli. Ye ek sachchaayi hai ki sansaar me insaan ko sab kuchh nahi mil jaaya karta. Saare sansaar ki daulat aur khushiya mil jaati hain lekin ek adna sa gam in sabhi cheezo par bhaari pad jaata hai aur itna kuchh mil jaane ke baad bhi hame jeewan bhar apne dard se tadpata rahta hai."

"Main ye shaadi nahi karna chaahti didi." Neelam ritu se lipat kar ro padi____"Main apne raj ki amaanat hu. Mere tan man par sirf usi ka adhikaar hai. Ise main kisi gair ko chhoone bhi nahi de sakti. Please mujhe is musibat se bacha leejiye, warna dekh lena main apni jaan de doongi."

"Ye kaisi paagalo bhari baate kar rahi hai tu?" Ritu ka dil tadap utha____"Tu samajhti kyo nahi ki aisa nahi ho sakta. Abhi to ye sab baate kisi ko pata hi nahi hain lekin agar kisi ko pata chal gayi to sach me qayamat aa jayegi. Is haweli ke darwaze to waise bhi raj ke liye band ho chuke hain aur agar ye sab kisi ko pata chal gaya to yakeen maan aage bhi aisi koi sambhawna nahi rah jayegi. Kya tu yahi chaahti hai ki hamara raj kabhi hamaare paas laut kar na aaye?"

"To main kya karu didi?" Neelam ka rona band hi nahi ho raha tha___"Mujhe yaha dhokhe se kyo bulaya in logo ne? Agar mujhe pata hota ki yaha par mujhe meri shaadi ke liye bula rahe hain to main kabhi bhi nahi aati balki mumbai me mausi ke yaha se bhi kisi aisi jagah chali jaati jaha par ye log mujhe khoj hi na paate."

"Aisa karna thik nahi hai chhoti." Ritu ne uske aansu ponchhte huye kaha____"Achchhe khaandaan ki ladki ka is tarah bhaag jaana achchhi baat nahi hoti. Doosri baat, shaadi to tujhe kisi na kisi se karni hi padegi aur agar tu ye sochti hai ki tu raj se shaadi karegi to ye sambhav hi nahi hai. Kyonki ek to raj ka khud kahi pata nahi hai, doosre wo khud aisa nahi chaahega, teesre is rishte ko ye log hi kya koi bhi sweekaar nahi karega. Is liye jab aisa kuchh ho hi nahi sakta to bekaar me aisi zid karne ka kya faayda?"

"Maine ye kab kaha didi ki main raj se shaadi karna chaahti hu?" Neelam ne kaha____"itna to mujhe bhi pata hai ki aisa nahi ho sakta. Phir bhi main is liye shaadi nahi karna chaahti kyonki main hamesha raj ki hi ban kar rahna chaahti hu. Bhale hi wo jeewan me mujhe kabhi na apnaye ya koi is rishte ko swikaar na kare. Main kisi se kahugi bhi nahi ki main raj se pyaar karti hu ya mujhe raj hi chaahiye. Main to bas ye chaahti hu ki mere tan man par kisi gair ka koi haq na bane balki ye raj ke liye hi hamesha salaamat rahe."

Neelam ki baat sun kar ritu hairat se use dekhti rah gayi. Yahi soch aur yahi bhaavna to khud uski bhi thi lekin uske paas shuru se hi ek bahana tha ki usne apna saara jeewan raj ki suraksha ke liye samarpit kar diya hai. Halaanki uski is baat se koi khush nahi tha aur na hi koi usse jyaada pratyaksh me baat karta tha. Iski vajah wo haadsa tha jo kuchh saal pahle hua tha aur raj ko haweli se hi nahi balki har cheez se bedakhal kar diya gaya tha. Yaha tak ki us par apni jaan chhidakne waali uski khud ki maa haweli me uska naam tak sunna pasand nahi karti thi.

"Kitni ajeeb baat hai na didi." Neelam ne chha gayi khaamoshi ko cheerte huye dheemi awaaz me kaha___"Ek maa jo kabhi apne bete par jaan chhidakti thi aur jiske liye zara si baat par tadap jaati thi aaj wahi maa apne usi bete ke prati patthar dil ban gayi hai. Itna hi nahi balki is haweli me wo apne bete ka zikra tak karna pasand nahi karti. Doosri taraf gudiya(Nidhi) hai jiske dil me apne hi bhai ke liye bepanaah chaahat hai, magar kisi wajah se pichhle saat saalo se wo ghut ghut kar mar rahi hai. Main hamesha ye socha karti thi ki aakhir aisi kya wajah ho sakti hai ki ek natkhat aur chulbuli si gudiya ekaek goongi ban gayi hai? Aisa kya ho gaya tha ki jis bhai ke bina wo ek pal rah nahi sakti thi wo pichhle saat saalo se usse baat karne ki to baat door balki uske saamne bhi nahi jaati. Maine usse kayi baar is baare me baat ki magar usne to jaise apne honth hi sil liye the. Aaj pata chala ki iski asal wajah kya hai. Mujhe yakeen nahi hota didi ki koi itna bhi kisi ko chaah sakta hai ki apne mahboob se door rah kar pal pal tadap to sakta hai magar ek baar apne dil ka kaha maan kar usse baat nahi kar sakta aur na hi uske saamne ja kar use dekh sakta hai. Ye kaisi mohabbat hai didi? Gudiya ke baare me ye sab jaan kar aaj mujhe aisa lag raha hai jaise ki uski chaahat ke saamne meri chaahat kuchh bhi nahi hai. Wahi ek taraf aasha didi hain, jinke dil me raaj ke liye na jaane kab se waisi hi chaahat fal phool rahi thi magar unhone bhi sirf is wajah se kabhi apne dil ka haal raj ke saamne ujaagar nahi kiya kyonki raj unhe apni badi bahan maanta hai. Hey bhagvaan! ye sab kya hai? Ye kaisi kismat banaayi hai ham sabki? Ek aise insaan ke prati hamaare dilo me athaah prem jaga diya jo kabhi hamaara ho hi nahi sakta."

Neelam ki in baato ka ritu bhala kya javaab deti? Wo khud bhi to aksar inhi savaalo ko sochte huye apni raate bistar par pade pade guzaarti aayi hai magar kabhi use apne in savaalo ke javaab nahi mile. Apne dil ko aur khud ko na jaane kitni hi baar samjhaya tha usne ki aisa na kar. Ye sab jaayaz nahi hai, magar haqeeqat har baar uske saamne nakaami ka roop liye khadi ho jaati thi.

"Aapko ek raaz ki baat bataau didi?" Neelam ne feeki si muskaan ke saath kaha____"Is mohabbat ki aag me ham sab to jal hi rah hain magar koi aur bhi tha jo jal gaya tha. Haan didi, aur wo koi aur nahi balki sonam didi thi. Pahle to unhone is baare me mujhe kuchh nahi bataaya aur na hi kabhi mujhe is baare me kuchh mahsoos hua tha. Jab mausa aur mausi zabardasti unki shaadi karne lage to shaadi waali raat vo bahut royi thi. Main ye to samajhti thi ki aisa har ladki ke saath hota hai, aur ye bhi samajhti thi ki unke is tarah rone ki vajah zabardasti shaadi karana hai. Us waqt maine unhe iske liye bahut samjhaaya bhi tha lekin unko meri baate samajh hi nahi aa rahi thi. Us wakt jab mere alaava unke kamre me koi nahi tha aur wo mandap me jaane ke liye saji sanvri baithi thi tab unhone mujhe apne dil ka ye raaz bataaya tha aur kaha tha ki wo raj se bahut pyaar karti hain. Unhone hi mujhe bataaya tha ki unke mom dad ye shaadi zabardasti kyon kar rahe hain? Darasal mausi ko ek din pata chal gaya tha ki sonam didi raj se pyaar karti hain. Ye baat unhone mausa ji ko bata diya tha. Mausa ji ye sab jaan kar bahut gussa huye the. Halaanki unhe is rishte se koi problem nahi honi chaahiye thi magar jaane kya baat thi ki wo ye sab bardaast nahi kar sake aur phir aanan faanan me hi unhone sonam didi ki shaadi ka program tay kar diya tha. Bechaari sonam didi, shaadi ke baad shuru me hee sirf ek baar wo apne mom dad ke paas aayi thi uske baad wo aaj tak nahi aayi. Shayad is liye ki unhe apne mom dad se is had tak naraazgi thi ki wo ab unke paas kabhi aana hi nahi chaahti. Maine kayi baar unse unki sasuraal waalon ka haal chaal poochha magar unhone har baar yahi kaha ki wo khush hain jabki mujhe pata hai ki wo khush nahi hongi."

"Agar ye waakayi sach hai chhoti." Ritu ne gahri saans lete hue kaha____"To yakeenan sonam ke saath bahut bura kiya mausa mausi ne. Khair, mohabbat to hoti hi aisi cheez hai jo zyadatar kisi ko naseeb hi nahi hoti aur hoti bhi unhi se hai jo kabhi uske ho hi nahi sakte."

Ritu dwaara ye sab kahne ke baad kamre me ek ajeeb si khaamoshi chha gayi. Dono bahno ke chehro par gahan socho ke bhaav gardish karte huye nazar aane lage the.

"Didi." Sahsa chha gayi khaamoshi ko neelam ne hi apni dheemi awaaz se toda.
"Hamm." kahi khoyi huyi ritu ne haami bhari
"Kya aap meri ek help karengi?" Neelam ne bhed bhare bhaav se poochha.
"He..help???" Ritu ke chehre par shikan ubhri____"kaisi help?"

"Abhi raat ka samay zyaada nahi hua hai." Neelam ne left side deevaar par lagi ghadi ki taraf ek nazar daalne ke baad kaha____"Sirf gyaarah hi baje hain."
"Haan to??" Ritu ko kuchh samajh na aaya.

"Kya aap mujhe is wakt gungun chhond sakti hain?" Neelam ne dhadakte dil se kaha___"Aap ye kar sakti hain didi. Aap ek police waali hain. Der raat ko aapka haweli se baahar jaana koi nayi baat nahi hai aur na hi koi tokne waala hai aapko. Aap cases ke silsile me aksar der raat ko yaha se chali jaaya karti hain. Is liye aap mujhe apni police gaadi se gungun railway station chhond deejiye na."

"Te tu kya kah rahi hai neelam?" Ritu buri tarah chaunki___"Kya tu yaha se waapas mumbai jaane ka soch rahi hai?"
"Iske alaawa mere paas koi doosra chaara bhi to nahi hai didi." Neelam ne dukhi bhaav se kaha____"Yaha se main mumbai zaroor jaaugi magar mausi ke paas nahi balki kisi aisi jagah jaha par meri koi khoj khabar na le sake."

"Nahi nahi." Ritu ne inkaar me sir hilate huye kaha___"Tu aisa kuchh nahi karegi. Is tarah me sab pareshaan aur dukhi ho jaayenge neelam. Gaanv samaaj ke logo ko pata chala to hamaare khandaan ki izzat mitti me mil jaayegi."

"Khandaan ki izzat mitti me to tab milegi na didi jab main kisi ke saath yaha se bhaag jaaugi." Neelam ne kaha___"Magar main to aisa kuchh kar hi nahi rahi hu balki main to aise hi yaha se ja rahi hu. Sabko pata hai ki main mumbai me apne mausa mausi ke paas rahti hu. Is liye agar waapas waha chali jaaugi to gaanv samaaj ke logo ko isse koi aapatti waali baat nahi hogi. Doosri baat unhe ye kaun batayega ki main yaha se kyon chali gayi hu?"

"Par neelam." Ritu ne kaha____"Main tujhe is tarah akele kahi bhi jaane ki ijaazat nahi de sakti. Akeli ladki par har pal koi na koi khatra bana hi rahta hai."

"Uski aap chinta mat keejiye didi." Neelam ne kaha___"Main aisi jagah ja rahi hu jaha ke baare me mujhe achchhi tarah pata hai."
"Aur yaha sabka kya?" Ritu ne kaha____"Tere is tarah gaayab ho jaane se main yaha kisi ko kya jawaab dugi?"

"Aapko kisi ko koi jawaab dene ki zaroorat hi nahi padegi didi." Neelam ne kaha___"Yaha se main aapke saath chali jaaugi lekin is beech koi ye nahi dekh sakega ki main aapke saath aapki gaadi me baith kar kahi gayi hu."

"Aisa kaise ho sakta?" Ritu ek police waali thi magar neelam ki in baato ne use hairat me daal diya tha.
"Main apne kamre ki." Neelam ne right side ki deewaar par bani ek badi si khidki ki taraf ishaara karte hue kaha____"Is khidki se main ek rassi ke sahaare neeche utar jaaugi aur phir ghoom kar aapko main haweli se door ek gali me mil jaaugi. Uske baad main aapki gaadi mein baith kar aapke saath gungun chal doogi. Kisi ko pata bhi nahi chalega ki main aapke saath kahi gayi hu. haweli ke baahar lage suraksha guards ko main baahar jaate huye dikhugi hi nahi to wo bhala kisi ko kya bata payenge ki main kab kaise yaha se nikal gayi hoon?"

"To tune soch liya hai ki tujhe yaha se abhi nikalna hai?" Ritu ne gahri saans lekar kaha____"Lekin tujhe pata nahi hai ki tere jaane ke baad yaha kaisa hangama ho sakta hai?"

"Uski mujhe koi parvaah nahi hai didi." Neelam ne kaha___"Har insaan ko apne tareeke se jeewan jeene ka haq hai. Kisi par zabardasti apni soch aur marzi thopna hargiz bhi uchit nahi hai. Unhe apne khandaan ki izzat ki padi hai to mujhe bhi apne dil ke jazbaaton ka khayaal hai. Aap bataiye ki aap meri help kar rahi hain na?"

"Theek hai chhoti." Ritu ne kaha____"Magar is baat ka hamesha khayaal rakhna ki mujhe har pal teri fikra rahegi. Is liye tu jaha bhi rahna mujhse sampark zaroor banaye rakhna."
"Ji bilkul didi." Neelam ke chehre par pahli baar raunak dikhi____"Main aapse hamesha contact banaye rakhugi."

Uske baad jaisa ki neelam ne tareeka bataaya tha waisa hi hua. Yaani neelam kahi se ek rassi dhoondh kar le aayi aur use ritu ko pakda diya. Uske baad usne apna jo kuchh behad zaroori samaan tha use ek bag me liya aur phir us rassi ko pakad kar khidki se neeche ki taraf utarne ki koshish karne lagi. Halaaki ritu ki tarah wo trained nahi thi phir bhi badi saavdhaani aur hoshiyaari se usne rassi ke sahaare neeche utarna shuru kar diya. Rassi ka pahla sira ritu ne majbooti se pakad rakha tha. Ritu ne apna balance banaye rakhne ke liye apni dono taango ko faila kar khidki ke neeche kamre ki taraf ki hi deevaar par pair jama liye the.

Kuchh hi der me ritu ko rassi par maujood tanaav poorn roop se kam mahsoos hua to wo samajh gayi ki neelam neeche utar chuki hai. Usne tasalli ke liye ek baar khidki se neeche jhaank kar dekha. Neelam andhere me khadi upar hi dekh rahi thi. Ye dekh kar ritu ne rassi apni taraf kheench li aur phir use wahi ja kar rakh aayi jaha se neelam use lekar aayi thi.

Neelam ke kamre ke khidki darwaaze ko band kar ritu apne kamre me pahuchi. Aanan faanan me usne apne kapde utaare aur phir apni police ki wardi pahan li. Sir par police cap laga kar aur baye taraf rakhe table se gaadi ki chaabhi lekar wo kamre se baahar aa gayi. Seedhiyo se neeche utar kar wo dring room se hote huye haweli ke mukhya darwaze tak aa gayi. Abhi wo mukhya darwaaze ko khol hi rahi thi ki tabhi peechhe se ek awaaz aayi jise sun kar pahle to wo ghabra kar chaunki phir normal bhaav se palti.

Peechhe se haweli ki bahut puraani naukaraani savita uske behad qareeb aa gayi thi. Usi ne ritu ko awaaz di thi. Khair usne ritu se bas itna hi poochha ki kya police station ja rahi ho bitiya? Javaab me ritu ne muskura kar haan kaha aur phir darwaza khol kar baahar nikal gayi. Haweli ke baahar lambe chaude lawn me hi ek taraf uski police ki gaadi khadi thi. Mukhya darwaze par do guard maujood the aur do guard main road ke paas lohe waale gate par andar ki taraf maujood the. Ritu ko is wakt police ki wardi me dekh kar chaaro guard mustaidi se khade ho gaye.

Ritu jab police car ko drive karti huyi lohe waale main gate ke paas pahuchi to dono guards ne gate khol diya lekin ritu un dono ke paas gaadi ko rok kar driving door ke glass se sir nikaal kar unse kaha ki wo police station ja rahi hai, sambhav hai ki aane me der ho jaye. Uski baat sun kar dono guards ne apne apne sir ko halka sa kham kiya. Ritu ki gaadi ke sabhi sheeshe neeche sarke huye the aur andar ki lights on thi. Ritu ne mahsoos kiya ki dono guards ne bade araam se uski gaadi ke andar dekha tha. Unke dvaara achchhi tarah se dekh liye jane ke baad ritu ne gaadi ko aage badha diya.

Jaisa ki neelam ne kaha tha wo sachmuch aage ki ek gali me mil gayi. Gali me andhera tha. Lohe waale gate se paar hone ke baad jab ritu ki car ek mod par mud gayi to usne car ki head light band kar di. Aisa is liye ki head light ki roshni me neelam kisi ko dikh na jaye. Halaaki aisa sambhav nahi tha kyonki gaanv ke log raat nau baje tak so jaate the, phir bhi ritu ne koi risk lena thik nahi samjha tha. Khair, neelam ke paas pahuchte hi ritu ne car roki to neelam jhat se pichhla darwaza khol kar andar apna ek chhota sa bag rakhte huye baith gayi. Neelam ke baithte hi ritu ne car ko aage badha diya.

"Train to tumhe kal hi milegi chhoti." Raaste me ritu ne khaamoshi ko todte huye kaha____"Idhar subah jab ghar waalo ko tum apne kamre me nahi dikhogi to wo yakeenan ye samajh jaayenge ki tum kadaachit waapas mumbai ke liye nikal gayi ho. Uske baad abhay chacha tumhe waapas laane ke liye fauran hi gungun apne kuchh aadmiyo ke saath ravaana ho jaayenge aur bahut had tak sambhav hai ki vo tumhe dhoondh hi lenge."

"Aisa nahi hoga didi." Neelam ne kaha___"Main raat me hi ek local train se ek doosre shahar ke liye ravaana ho jaaugi. Waha se main doosri train pakad loongi mumbai ke liye."

"Oh matlab sab kuchh pahle se hi soch rakha hai tune." Ritu ke hotho par sahsa muskaan ubhar aayi___"Chal koi baat nahi. Bas tu apna khayaal rakhna aur ho sake to us pagle ka bhi waha pata karte rahna."

"Main poori koshish karoogi didi." Neelam ne kaha___"Par mujhe nahi lagta ki wo mumbai me hai. Agar hota to itne saalo me kuchh to uske bare me pata chalta."
"Haan sahi kah rahi hai tu." Ritu uski baat se poori tarah sahmat thi____"Mujhe bhi yahi lagta hai. Halaaki maine apne kuchh khaas khabariyo ko secret roop se uski talaash me laga rakha hai. Abhi tak to unme se kisi ko bhi uske bare me kuch pata nahi chal paya hai lekin ummeed hai ki ek din zaroor uska pata chalega."

"Kya aapko lagta hai didi." Neelam ne kaha___"Ki usne naina bua ke....??"
"Is baare me mera khayaal tujhe pata to hai na.?" Ritu ne neelam ki baat ko beech me hi kaatte huye kaha___"Phir baar baar yahi sawaal kyo?"

"Wo is liye ki gauri chachi ko us sab ka yakeen kaise ho sakta hai?" Neelam ne kaha___"Wo to uski maa hain. Wo to apne bete ki rag rag se waakif hain. Phir ye sab kyon didi??"

"Is sawaal ka jawaab agar unse mil jaye." Ritu ne kaha____"To shayad sab kuchh samajh me aa jaye. Main to bas is baat se hamesha chintit rahti hu ki wo apni us haalat se kisi ko nuksaan na pahuchaye. Har waqt yahi sochti rahti hu ki jis tarah ki uski haalat thi uski vajah se us par kya guzarti hogi? Kis haal me hoga wo aur kiske sahare hoga?"

"Ishwar kare sab kuchh achchha hi ho didi." Neelam ne gahri saans li____"Khair aap mujhe chhondne ke baad kya raat me hi waapas haweli laut jaayengi?"
"Nahi chhoti." Ritu ne kaha___"Ab raat me akele lautna mumkin nahi hoga. Is liye gungun me hi apni ek saheli ke yaha ruk jaaugi."

Aisi hi baate karte huye dono bahne gungun railway station pahuch gayi. Neelam apni badi bahan se gale lag kar mili uske baad wo ek local train me savaar ho gayi. Kuchh hi der me train station se chal padi. Ritu apni bahan ko akele yu jaata dekh apni aankho ko chhalak padne se rok na saki thi. Jab train uski aankho se kaafi door chali gayi to wo palti aur plateform se baahar aa gayi. Baahar aa kar w apni police car me baithi kuchh der tak khud ke jazbaato ko kaabu karti rahi uske baad usne car ko start kiya aur apni saheli ke ghar ki taraf chal padi.

━━━━✦༺❁༻✦━━━━​

 

[TheBlackBlood]

Interesting introduction brother...
Brief intro with appropriate wording.
Kaafi rare writing skill hai aapki aur ye intro ye clear kar raha hai ki ye story apne 1st part se kaafi aage hai.

Thanks bhai

Ek request hai aap iss story ka first page par index banva dijiye. Kyuki isse thodi problem hoti hai. By the way aapki sabhi stories ki tarah poster unique and attractive hain. Ek que. hai aap graphic designer hai ya bus ye skill as a hobby aapne sikhi hai...

Hamare liye itni problem bhi nahi jhel sakte. Ham to 4 ghante laga kar ju ke liye update likhte hain. Well abhi to itna rush nahi hai agar aise halaat banenge to Index bana duga.

 

[TheBlackBlood]

A man with the silver tounge, ye masked person bilkul isse tarah ka laga mujhe. Abhi kuch kahna right nahin hoga but jo feel huva vo kah deta hun.
Disuza a disgusting person jeske baato se ye lag raha tha ki issne past mein koe sin conduct kiya tha and usske karan aaj usko death punishment mili hai.
But ek feeling ye hain ki update ke second half mein jo kuch dikhaya gaya uske bases par initial feeling ye hein ki vo dono person same hain but ek gut feeling kah rahi hai dono alag alag hai.
.
.
For now ye sabhi assumption hai aage kya hoga ye toh hum sabhi ko waqt ke saath pata chalega.
Waiting for next masterpiece....

Thanks bhai for your beautiful feedback
Abhi shuruaat hai bhai, abhi to kahani aur failegi aur tabhi cheeze clear samajh me aane lagengi.