Romance Tumhaare Liye- Ek Prem Kahaani (Complete)

[Badshah Khan]

achha to mahi ji aaj ek baat saaf ho hi jaaye...
Jis tarah nischal Sarita baar baar ko baho bhar leta hai jor jabardasti... Baar baar Adhi raat ko uske kamre mein bina permission ke ghuse chale aata hai.... aur ab jis tarah se Sarita ke ghar tak pahuch gaya....
Kya yahi sab agar Abhishek baar baar savita ke sath karta to kya nischal bardaasht kar pata... ?
Ya aapki nazar mein sahi hota....?

Bas is baat ka jawab de dijiye
Badshah Khan & Destiny aap logo ki kya ray hai is maamle mein

Mahi Maurya ji we also want answer

 

[Badshah Khan]

UPDATE- 67


Sarita ki himmat hi nahi ho rahi thi Nishchal ke paas jane ki. Manisha koodkar Nishchal ke paas pahuchi aur fusfusate huwe boli.


Manisha- Kya baat hai Boss. Itni betabi didiya se milne ki ki subah tak ka intezar nahi kar paaye aap.


Manisha ki baat sunkar Nishchal ne bina Sarita ke upar se najar hataye hue hi sakht lahje mein kaha.


Nishchal- Abhi nahi chhote miya. Abhi main mazak ke mood mein bilkul bhi nahi hoon. Mujhe tumhari didiya se ek important baat karni hai. Kya tum ham dono koo kuchh samay ke liye akela chhod sakti ho.


Nishchal ke bhav ko dekhkar Manisha samajh gayi ki jaroor koi badi baat hai jo Boss itni door se itni raat mein aaye hain. Manisha ne Nishchal se kaha.


Manisha- Aap andar aakar baat kar lijiye didiya se. agar itni raat mein aap dono ko bahar kisi ne baat karte huwe dekh liya to tarah tarah ki baat banana lagenge.




Nishchal ko bhi ye baat sahi lagi. Nishchal ko Manisha ne baramde mein lakar baithaya. Fir wo apne kamre mein chali gayi aur apne aap se boli.


Manisha- Aisi kya baat ho gayi jo Boss ko itni raat ko yaha aana pada. Jaroor koi bahut badi baat hogi tabhi to boss ne subah ka bhi intezar nahi kiya.


Manisha abhi itna hi sochi thi ki Uske mobile par Raghav ka massage aaya. Usne massage khol kar dekha to usme likha tha.


Raghav- so rahi ho ye jaag rahi ho. Call kyon nahi utha rahi ho tum. Main kab se phone kar raha hoon tumhe. Ye padhkar Manisha apne aap se boli.


Manisha- Ye aadmi pagal ho gaya hai aur mujhe bhi pagal kar raha hai. Kya main isase puchhu ki boss ka mod kisliye off hai. Par ise bhi kya pata hoga. Department ki koi baat ho sakti hai.


Idhar Nishchal baramde mein baitha huwa tha. Sarita Nishchal ke paas khadi hui thi. Nishchal ko apne samne pakar Sarita ki to jaise sans hi atak gayi thi. Nishchal apni jagah se khada huwa aur Sarita ki taraf dekhte huwe poocha.


Nishchal- Ab saf saf batao ki kya baat hai.

Sarita- Ko..koii….koii baat na..naahi.. haii.


Sarita ne ye baat haklate huwe kahi thi. Jise sunkar Nishchal ko bahut gussa aaya. Nishchal aage badhkar Sarita ke ekdam kareeb aaya aur uski banh pakadkar Sarita se gusse mein kaha.


Nishchal- Main itni door se itni raat mein gadi chalakar tumhari bakwas sun-ne nahi aaya hoon. mujhe sach jan-na hai jo tum chhupa rahi ho. Main sirf ek baar aur poochunga. Agar fir bhi tumne kuchh nahi bataya to yaha par jo bhi hoga uski jimmedar sirf tum hogi.


Nishchal ne bahut kaskar Sarita ki banh pakdi thi. Sarita ke jakham to waise bhar hi gaye the, lekin fir bhi Nishchal ki pakad itni mazboot thi ki Sarita ko dard hone laga to Sarita ne kaha.


Sarita- Mera hath dard ho raha hai Sir. Plz chhod dijiye mujhe.


Nishchal ne jab ye suna to usne turant Sarita ki banh chhod di aur do kadam pichhe hatkar khada ho gaya. Fir usne apne gusse ko shant kiya aur bahut pyaar se poocha.


Nishchal- Jo bhi baat ho tum mujhse share kar sakti ho ek dost ki tarah.

Sarita- (kanpti aawaz mein) Pahle aap promiss kariye ki meri baat sun-ne ke baad aap gussa nahi karenge. Mujhe datenge nahi aur chupchap meri baat sunenge.


Sarita ki baat sunkar Nishchal ab Aaswast ho gaya ki Sarita use sab kuchh batayegi, isliye nishchal aage badha aur Sarita ka hath pakadkar uski hatheli apni dono hatheliyo mein dabate huwe kaha.


Nishchal- Main promiss karta hoon ki main tumhari baat sunkar gussa nahi hounga. Tumhe datunga bhi nahi aur tumhari baat chupchap sununga. Lekin tumhe bhi promiss karna hoga ki tum hare k baat mujhe sach sach bataogi.


Sarita ek to pahle se hi dari hui thi. Upar se Jab Nishchal ne uska hanth pakad liya to uski halat aur bhi jyada kharab ho gayi. Uska apni dhadkno par kabu khota huwa najar aa raha tha. uski sanse bahut tez chalne lagi. parntu Sarita ne khud ko sanyat karte huwe apna hanth Nishchal se chhudate huwe kaha.


Sarita- thik hai Sir. Baithkar baat karte hain.

Nishchal- Thik hai Jisme tumhe Khushi milti ho wo kare. Tumhare liye to main………


Itna kahta kahte nishchal ruk gaya aur jakar sofe par baith gaya. Sarita bhi jakar doosre kinare par baith gayi. Sofe par baithne ke baad Nishchal ne kaha.


Nishchal- Ab batao kya baat hai.

Sarita- Wo Jo aadmi Mujhe guldaste bhejta tha Wahi Raghu hai.

Nishchal- Kyaa. Kya kaha tumne.

Sarita- Haan Sir Wo guldaste bhejne wala aadmi hi rahu hai.


Fir Sarita ne Guldaste le lekar Phone par baate karna. Allahabaad milne aana. Sath mein coffee pine. Dosti karna. Raghu dwara pyaar ka izhar karna. Uske Proposal par vichar karna. Fir screech aur Abhishek ki phote ka Raghu se match karna Sab kuchh Sach sach bata diya.


Nishchal bahut dhyan se uski baate sun raha tha. Sarita ki baat sunkar Nishchal ko bahut gussa aa raha tha. Lekin Wo chahkar bhi Sarita ke upar gussa nahi kar pa raha tha. Usne promiss jo kiya tha Sarita se.


Nishchal ne dekha ki Sarita use batate batate jhapki le leti thi. Thoda jhool jati aur jhatke se uski aankh khul jati. Sarita ko ab neend aane lagi thi. Shayad jo usne Sir dard ki dawa khayi thi ye usi ka prabhav tha. ye dekhkar Nishchal uske paas aakar baith gaya. Sarita ne jab is baar Jhapki li to uska sir Nishchal ke kandhe par ja laga.


Sarita ke Sparsh se Nishchal ko andar tak sukun mil raha tha. Nishchal Sarita ke sir ke upar hath ferte huwe apne man mein sochne laga.


Nishchal- Bas tum Mujhe Sari Jindagi apni baate sunana. Main sari jindagi tumhar sir apne kandhe par tikakar isi tarah tumhari baate sunta rahunga. Kitna achha lagta hai jab tum mere aas paas hoti ho. Ek Khushi ka ehsah hota hai mujhe.


Tabhi Sarita ki aawaz se Nishchal Vartman ke dharatal par wapas aaya. Jo apni aankhe band kiye hi bol rahi thi.


Sarita- Main so nahi rahi hoon Sir.


Sarita ki baat sunkar Nishchal ne uske sir par thapki dete huwe kaha.


Nishchal- Haan aage bolo.


Sarita Fir se nichchal ko kuchh batane lagi. dhire dhire Sarita ki aawaz band ho gayi. Jab Sarita ki aawaz nahi aayi to Nishchal ne uski taraf dekha to wo so chuki thi. Use sote huwe dekhkar Uska sara gussa Kafoor ho gaya. Nishchal Sarita ko dekhte huwe apne man mein bola.


Nishchal- Dekho to. Mere samne to hamesha lady don bani firti rahti hain. Mujhse thik se baat bhi nahi karti hai. har samay ladti jhagadti rahti hai mujhse, lekin dekho. Us badmas se kaise milne chali gayi. mere sath to kabhi baithkar pani bhi nahi piya aur us gunde ke Sath mein baith kar coffee bhi pi.

Main use chhodunga nahi. Uski himmat kaise hui tumse is tarah jhooth bolkar milne ki. Sale ki himmat kaise huyi tumhe propose karne ki. Pata nahi main apni gussa kaise control kiya hai tumhare samne. Par ab wo aadmi mujhse jyada din tak bach nahi sakta.


Idhar jab kaafi der tak Sarita kamre mein wapas nahi aayi to Manisha Use dekhne kamre se bahar nikali to usne dekha ki Sarita Nishchal ke kandhe par Sir rakhkar so rahi hai aur NIshchal Sarita ko Apalak sote huwe dekh raha hai.


Manisha ne dono ki ek tasvir apne mobile mein utar li. Fir Manisha apne kamre mein chali gayi aur gala saff karte huwe apne kamre se bahar aane ki acting karte huwe aayi. Nishchal ye dekhkar thoda jhenp gaya aur apna hath uski sir se hata liya. Manisha Nishchal ko dekhte huwe boli.


Manisha- Aap kab se aise baithe huwe hain.


Nishchal ne Manisha ko ishare se dhire bolne ke liye kaha to Manisha uske paas aayi aur usme kan mein dhire se fusfusati hui boli.


Manisha- Aisa kariye boss ki Didiya ko kamre mein le chalkar sula dijiye. Kyonki didiya ne dawayi khayi hai aur dawai ke asar se didiya subah se pahle uthne wali nahi hain. Didiya ekdam kumbhkaran ki tarah soti hain.

Nishchal- (sakuchate huwe) Par main kaise Sarita ko utha sakta hoon.

Manisha- (chidhate huwe) Kyon nahi utha sakte. Ye khali jaisi body kya dekhne ke liye banai hai kya. Ab mujhse ye moti uthegi nahi. Nahi to aapko kahne ki jaroorat nahi padti.

Nishchal- Thik hai, tum aage chalna Kyonki mujhe kamre ka pata nahi hai.

Manisha- Haan bol to aise rahe hain jaise mera ghar ghar na hokar mahal ho jisme bahut sare kamre rahte hain. Ye kyon nahi bolte ki mere samne aapko Didiya ko god mein uthane mein sharam aa rahi hai. thik hai main aage aage chalti hoon aap pichhe piichhe aaiye.

Nishchal- (muskura kar) Thik hai.


Itna kahkar Nishchal ne Sarita ko apni god main utha liya aur Manisha ke pichhe pichhe kamre ki taraf chal pada. Kamre mein pahuchkar Nishchal ne Sarita ko bed par litaya. Bed par litane ke dauran Nishchal aur Sarita ekdam karreb the.


Dono ka chehra ekdam paas mein aa gaya tha. Nishchal sochne laga ki kaash ye wakt yahi par ruk jaye aur wo isi tarahh Sarita ko dekhta rahe. Lekin Manisha ke hone ke karan wo turant Sarita ko litakar pichhe hat gaya aur kamre se bahar aa gaya. Manisha bhi uske pichhe pichhe aa gayi. Manisha ke bahar aane ke baad Nishcahl ne usase kaha.


Nishchal- Ab main chalta hoon Manisha.

Manisha- Are aise kaise boss. Raat bahut jyada ho gayi hai. Abhi kaise jayenge aap. Aap yahi ruk jaiye.

Nishchal- Nahi Manisha main yaha nahi ruk sakta. Bahut jaroori kam pending pada huwa hai, isliye mujhe jana hoga.

Manisha- Achha thik hai chale jaiyega, lekin pahle kuchh kha lijiye.

Nishchal- Nahi. Mujhe bhookh nahi hai.

Manisha- Are aise kaise bhookh nahi hai. thoda sa to kha hi sakte hain na. nahi to didiya ko agar pata chal gaya ki maine aapko bina khana khilaye hi wapas bhej diya to meri shamat aa jani hai.

Nishchal- Are aise kuchh nahi hoga. Wo meri parwah hi kaha karti hain.

Manisha- Nahi wo baat nahi hai. asal mein didiya ki hamesha se ye aadat rahi hai ki Agar koi apne ghar par aata hai to bine khillaye pilaye kisi ko jane nahi deti thi. mujhe pata hai ki subah uthte hi sabse pahle yahi sawal hoga ki maine aapko kuchh khilaya pilaya tha ya nahi.


Nishchal uski baat sunkar muskurane lagta hai. Manisha Nishchal ke liye khana lekar aati hai. Nishchal hath munh dhokar khana khane lagta hai. jab tak Nishchal ka khana chalta hai tab tak Manisha ka munh chalta hai. pata nahi kaha kaha ki baat Nishchal ko bata rahi thi. Khana khane ke baad Nishchal jab chalne ko huwa to Manisha ne kaha.


Manisha- Waise boss aapne bataya nahi ki aap yaha par kyon aaye the.

Nishchal- bataya to tha tumhe ki kisi case ke sambandh mein important baat karni thi Sarita se.

Manisha- ye important baat to phone par bhi ho sakti thi. fir yaha aane ki kya jaroorat thi.

Nishchal- phone par nahi ho sakti thi isliye to aaya hoon. Tum to apni didiya ko janti hi ho. samne se to thik se baat nahi karti. Phone par kya khak karti baat.

Manisha- Chaliye. Jhooth mat boliye aap. Saf saf kahiye na ki aapko didiya se pyaar ho gaya hai. uske bina apka man nahi lag raha tha to didiya ke deedar ki abhilasha lekar aap yaha par aaye the. Aapko didiya se pyaar ho gaya hai boss.

Nishchal- (aankh dikhakar) Chhote miya aisi koi baat nahi hai. pata nahi tum kaha ki baat kaha jod rahi ho. apne is chhote se dimag itni batein na rakha karo ki dimag thik se kam karna hi band kar de.


Abhi ye dono baat kar hi rahe the ki tabhi Sarita ke room mein kuchh girne ki aawaz aayi. Dono dar gaye aur turant bhagkar Sarita ke room mein pahuche.


Waha jakar dekha to Sarita ke sirhane par rakha huwa glass niche gir gaya tha. Ye dekhkar Manisha ne kaha.


Manisha- Shayad karwat lene ke karan hath lagne se gilas gir gaya hoga.


Nishchal ki ghabrahat bhi shant ho gayii thi. wo Sarita ki taraf dekhte huwe bolta hai.


Nishchal- Achha ab main chalta hoon.

Manisha- (shararat se) main bahar ja rahi hoon. Aap didiya ko khoob achhe se nihar kar bahar aa jaiyega.


Nishchal Manisha ki baat sunkar jhenp gaya aur Manisha ke sir ke pichhe chapat lagate huwe bola.


Nishchal- Tum nahi subhar satki na chhote miya.


Nishchal ki baat sunkar Manisha ne apni gardan na mein hila di aur bahar chali gayi. Manisha ke bahar jane ke baad Nishchal chalta huwa Sarita ke paas aaya aur uske sir par hanth pherte huwe jhukkar ek chhota sa kiss uske mathe par kiya aur uske kamre se bahar aa gaya.


Bahar aane ke baad usne Manisha ke jane ki izzat mangi aur Manisha ko hug kiya aur bahar chala gaya. Nishchal ne apni gadi start ki aur ghar jaunpur ke liye chal pada.


Raste mein usne gana laga diya. use to waise hi naye gane pasand the to wo gano ki dhun mein kho gaya. Gane ke bich bich mein use Manisha ki baat yaad aa jati thi. jab Manisha ne usase kaha tha ki use didiya se pyaar ho gaya hai.


ye yaad aate hi wo muskura kar rah jata aur apne man mein sochne lagta. Kya sach mein mujhe pyaar ho gaya hai. nahi nahi ye pyaar nahi ho sakta, lekin ho bhi sakta hai. lakshan to pyaar ke hi lag rahe hain.


Yahi sab sochte huwe wo chala ja raha tha ki tabhi ek gana baja jo shayad naye jamane ka nahi tha, wo use change karne hi ja raha tha ki uske bol sunkar wo ruk gaya aur gana sun-ne laga.


Sirf tum sirf tum sirf gum- 2
O jana.
Chain ho chain ho mere dil ka
Sirf tum sirf tum sirf tum.
Labo par labo par sirf tum ho.
Sirf tum, sirf tum sirf tum
Mujhko ikrar hai tumse hi pyaar hai.
Lalalala..lalalaa………..
Jindagi Jindagi sirf tum ho
sirf tum sirf tum sirf tum


Ab aalam ye ho gaya tha ki gana khatam hote hote Nishchal bhi is gane ke sath apna sur milane laga tha aur sirf tum ho sirf tum ho jor jor se gane laga tha. Poore raste wah sirf Sarita ke bare mein hi sochta raha. Subah ke lagbhag 3 baje ke kareeb wo apne ghar pahuch gaya.


Iske Aage ki Kahaani Agle Bhag mein..​

Finally sarita ne sab kuch nischal ko saaf saaf bata diya raghu ke bare mai mujhe laga thi ka ki sahayd nahi batayegi aur ulta nischal ko hi dategi
Chalo nischal ka Ana waise faydeman hi raha akhir sarita kahani sunate sunate uske khande par sar rakh kar sogayi
Waise Naina ji dekh rahi ho ki kaise nischal ek soti huwi ladki ko taad raha hai aur wo ladki bhi sarita hai
Chote miyan ki batein humesha hi mazedar hoti hai
Kam se kam chote miyan khana khila kar bheja nischal ko mujhe laga shayad wo subha tak rukega
Ab dekhna ye hoga ki nischal kaise raghu ko pakde ga aur kis tarah se apna badla lega akhir uski bandi par hi to raghu ne hath dala hai.
Overall Awesome Update
BRAVO

 

[Destiny]

Destiny ko koi galatfahmi nahi huyi in fact Badshah Khan aur Vaishnavi ko bhi ko bhi koi galatfahmi nahi huyi hai...
Kyunki nischal aur wo raghav kis level ke hawasi hai ye sachhayi sabke saamne hai

Naina Ji nishchal aur raghav ke havas pane ka koyi level nehi hai dono ke havas pane ko napne ke jo tharmameetar use kiya jayega to tharmameetar koyi level dikha hi payega usse pahle hi tut jayega.

 

[Rahul]

Behad badhiya romantic update yaar maja aa gaya chuha billi me pyaar hui gawa

 

[Destiny]

UPDATE- 63


Sabhi bahar aakar shanti ke sath baith gaye. Thodi der baad khamoshi ko todte huwe Raani ji ne kaha.


Raani ji- Sarita Ye Abhishek Kya kah raha tha. Kya Sach mein use saza milegi. Use jail jana padega.

Sarita- haan mummy. Bhaiya sach bol rahe the. Aap ko bhi pata hai ki bhaiya ne kya kiya hai.

Raani ji- Lekin tum aise kaise kar sakti ho Sarita. Wo tumhara bhaai hai. tum apne bhaai ko kaise jail mein bhej sakti ho.

Sarita- Ab isme main kya kar sakti hoon mummy. Main khud nahi chahti ki bhaiya ab hamse door jaye. Lekin hamari kismet mein abhi bhaiya se aur judai likhi hui hai.

Raani ji- Aise kaise tu use jail mein daal degi. Tu uski bahan hai. main bol deti hoon tu aisa kuchh nahi karegi. Agar use jail mein dala sa samajh lena. Main tumse kabhi baat nahi karungi.

Aanand Ji- (bich mein) Kaisi baat kar rahi ho bhagyawan. Isme Sarita kya kar sakti hai. wo khud mazboor hai. Abhishek ne jo gunah kiya hai uski saza to use bhugatni hogi. Main khud nahi chahta ki ab abhishek hamse ek pal ke liye bhi door ho, lekin abhi hamein abhishek ke liye aur tadapna hoga.

Tumhe Aage badhkar Sarita ki himmat badhani chahiye ki wo sachhai aur imandari ke raste se kabhi na bhatke aur tum use hi suna rahi ho. Kya tumhar pata nahi hai ki wo ham dono se jyada Abhishek se pyaar karti hain.

Raani ji- Agar Ye Abhishek se pyaar karti hai to isase kahiye ki mere bete ko bachaye ye. Use jail mein na dale. Nischal beta. Tum hi samjhao na Sarita ko. Tum to isase bhi bade Officer ho na. tum to abhishek ko bacha lo beta. Tum Bolo Sarita se ki Apne bhaai ko jail mein na dale.

Nishchal- Aunty Ji. Sarita Sahi kah rahi hai. Abhishek ne jo apradh kiya hai uske liye use saza to milegi, Ham use Jail jane se to nahi bacha sakte, lekin ek rashta hai. jisase ham uski saza ko kam se kam karwa sakte hain.

Raani ji- Tum batao beta. Mere bete ki saza kaise kam ho sakti hai.

Nishchal- Aunty ji. Aap logo ke aane se pahle hi maine Usase baat ki thi. Usne aap logo ko bhavishya mein koi nuksan na pahuche isliye naam badalkar aur apni pahchan chhupakar is dhandhe mein aaya tha. Mere aap logo ka naam lene par wo dar ke karan mujhe sab batane ke liye taiyar ho gaya tha,

lekin ab jabki use sari sachhai pata chal gayi hai. To Main chahta hoon ki aap log usase baat kijiye. Agar wo sarkari gawah ban jata hai aur police ki madad karta hai asali apradhi tak pahuchne mein to uski saza kam ho sakti hai.

Raani ji- Agar aisi baat hai to main usase baat karungi. Main use manaungi sarkari gawah ban-ne ke liye. Lekin use kuch hoga to nahi na.

Nishchal- Is baat ki gaurenttee main deta hoon ki mere jite ji use koi nuksan nahi pahuchega. Bas aap use mana lijiye.

Raani- Thanks beta. Tumne ek maa par bahut bada Ehsan kiya hai beta.

Nishchal- Maine kuchh nahi kiya hai Aunty ji. Jo bhi kiya hai Sarita ne kiya hai. Achha huwa Sarita ne meri baat is baar bhi nahi mani aur waha chali gayi. Nahi to Abhishek Pata nahi kab milta use. Ab main jata hoon. Mujhe Kuchh kam hai. Raat mein aaunga.


Itna kahkar Nishchal waha se chala gaya. Nishchal Sidhe Court Pahucha aur Ek Lawyer ko hire kar Abhishek ki Custody ki Permission le li. Iske piche dalil ye thi ki Abhishek Is Sahar mein chal rahe Drugs ke giroh ka ek mukhya sadasya hai aur wo Sarkari gawah ban chuka hai jiske karan uski jan ka khatra hai isliye wo use ek safe jagah rakhna chahta hai.


Abhishek ke Uske Custody se bhag jane par sari jimmedari usi ki hogi. Abhishek Abhi Is halat mein nahi hai ki use court laya ja sake aur Sarkari gawah ban jane par uski jaan ko bhi khatra badh gaya hai. Is base par Court ne use Permission de di.


Waha se permission lekar wo apni duty par chala gaya. Udhar Raghav sabke liye khana lekar aaya. Sabhi ne khana khaya. Khana kha kar Manisha hospital se bahar chali gayi. uske pichhe piche Raghav bhi aa gaya. Manisha bahar bane chabutare par baithkar kuchh soch rahi thi. Raghav jakar uske paas baith gaya aur bola.


Raghav- Kya soch rahi ho Manisha.

Manisha- Kuchh khas nahi. Bas ye soch rahi thi ki Zindagi bhi kitni ajeeb hai. Hame kab kis mod par lakar khada kar de kuchh kaha nahi ja sakta.

Raghav- Sahi kaha tumne. Is samay ham sabki setuation jyada achhi nahi chal rahi hai. hamare sitare gardish mein lag rahe hain. Hospital ke chakkar jyada lag rahe hain.

Manisha- Sahi kaha tumne. Tum jante ho. Bhaiya ham dono se kitna pyaar karte the. Ham Sab kitna hanste bolte the. Hansi majak karte the. Kam sansadhan mein bhi kitne khush rahte the. Lekin bhaiya ne ghar kya chhoda. Ham dono bahno ki sari khushiya apne sath le kar chale gaye.

Is baat ka sabse jyada sadma didiya ko laga. Unke baad to didiya ne jaise hansna aur khus rahna hi chhod diya. apne aapko sirf apne tak hi samet liya unhone. Iske chalte thoda Chidchidi ho gayi hain wo.

Main thoda bahut unse hansi Mazak karke unka dil bahlati thi. wo upar upar hansti thi, lekin andar se wo dukhi bhi thi, Kyonki Unhe hamesha se yahi lagta tha ki bhaiya ne unki baat ko dil par laga kar ghar chhoda hai. Hamesha apne aapko kosti rahti thi. Meri didiye ne bahut kuchh jhela hai Raghav Samaaj ke tane aur jillat, logo ki khari khoti. Bahut kuchh sahas hai meri didiya ne.

Raghav- Manisha. Is sansar mein jo bhi hota hai achhe ke liye hi hota hai, ho sakta hai ye bhi achhe ke liye hi huwa ho. Kya pata iske pichhe koi karan chhipa ho. Lekin Ab to tumhare bhaiya bhi mil gaye hain. Ab sabkuchh thik ho jayega.

Manisha- Bhagvan kare aisa hi ho. mere bhaiya bure nahi hain. Bas unki sangat galat logo ke sath ho gayi thi.

Raghav- Tum chinta mat karo. Nishchal ne bola hai ki Unki saza kam ho jayegi, bahut jald wo aap logo ke sath rahenge hamesha ke liye. Ab chalo andar chalte hain. Nahi to sab pareshan honge.


Fir dono andar aa gaye. Isi tarah 4 din bit gaye. Ab Abhishek ki halat mein sudhar ho gaya tha. Doctor ki permission ke baad Abhishek ko Hospital se discharge karwakar Nishchal apne ghar le gaya. Usne Pahle hi Abhishek ke liye Apne Ghar se bagal Ek kamra Abhishek ke liye le liya tha.


Mohit aur Jawed bhi uske sath hi the. Sarita ka sara pariwar uske sath tha. Abhishek ko us kamre mein sift kar diya gaya. Sarita aur Raani ji ne Abhishek se baat kar li thi. wo Sarkari gawah ban-ne ke liye taiyar ho gaya tha.


PS mein Is baat ki kisi ko khabar nahi thi ki Sarita ne Kis wajah se chhutti li hai aur Uska bhaai use mil gaya hai. Abhishek ko Ghar aaye huwe 3 din aur bit gaye the. Aaj Sarita ka pariwar fir se Allahabaad ja raha tha. jane se pahle Rani ji ne Abhishek ko samjhate huwe kaha.


Raani ji- Abhishek beta. Tu jaha abhi rah raha hai ye log bahut achhe hain. Sarita bhi yahi paas mein rahti hai, isliye darne ki koi baat nahi hai. Ab tu sare galat kaam chhod dena beta.

Hame tumhari bahut jaroorat hai. Apni bahan ki poori madad karna. Uska Sahara banker Uske dushmano ko pakadne mein uski madad karna. AB ham log ghar ja rahe hain. Tum hamse phone karke baat karte rahna. Yaha kisi ko pareshan mat karna tum.

Abhishek- Ab main pahle wali galti nahi karunga mummy. Main Ab hamesha apni bahan ka sath doonga. Aap befikar hokar jaiye. Main bahut jaldi saza kaatkar aap logo ke paas hamesha hamesha ke liye aa jaunga.


Uske baad Aanand ji aur Manisha Abhishek se milkar station ke liye nikal gaye. Nishchal Unhe chhodne station gaya. Unhe gadi par baithakar Nishchal ne Manisha se kaha.


Nishchal- Chhote miya. Aunty aur Uncle ka khayal rakhna. Wo Abhishek ko lekar pareshan na ho jyada. Main aur Sarita yaha par hain. Ham sab kuchh sambhal lenge.

Manisha- Thik hai boss. Main mummy aur papa ko sambhal lungi. Aap plz bhaiya ka dhyan rakhiyega.

Nishchal- Thik hai chhote miya. Ab main ja raha hoon. Apna dhyan rakhna.


Itna kahkar Nishchal apne kaam ke liye nikal gaya. Udhar Sarita ne bhi PS jane ka socha aur wo bhi Abhishek se baat kar PS ke liye nikal gayi. Waha par Sarita ko dekhkar Sabhi bahut khus huwe.


Sarita ne din bhar PS mein kaam kiya aur sham ko wo ghar wapas aa gayi. sham ko Sarita. Savita, Nishchal aur Raghav ne sath mein khana khaya. Khana khane ke baad Sarita Abhishek ka khana lekar uske kamre mein gayi.


Sarita ne Abhishek ko apne hatho se khana khilaya. Abhishek ki ankho se aanshu nikal gaye. Ye dekhkar Sarita ne kaha.


Sarita- Kya huwa bhaiya. Aap ki aankho mein aanshu.

Abhishek- Ye Khushi ke anshu hain Sarita. Mujhe tumhara pyaar dekhkar rona aa raha hai apni badnashibi par. Agar main pahle hi sambhal gaya hota to aaj main bhi mummy papa Manisha aur tumhare sath kitni khushhal zindagi bita raha hota.

Sarita- Jo ho gaya use bhool jaiye bhaiya. Ye samajh lijiye ki wo hamari zindagi ka ek bura samay tha jo ab gujar gaya hai. bahut jald sabkuchh thik ho jayega aur ham log fir se ek sath rahenge.


Fir Sarita ne Abhishek ko khana khilaya aur thali bagal mein rakh di. thodi der mein Nishchal bhi waha pahuch gaya aur Abhishek se bola.


Nishchal- Ab kaisi tabiyat hai aapki.

Abhishek- Achhi hai Sir.

Nishchal- Not call me Sir, Call me Nishchal. Aakhir main aapse chhota hoon.

Abhishek- bhale hi aap mujhse chhote hain. Lekin hoon to main is samay ek mujrim hi na aur aap thahre police wale. To Sir kahna to banta hi hai na.

Nishchal- aap mujrim bhale hi ho, lekin Aap Sarita ke bhaai aur Uncle Aunty ke bete hain to aap mujhe naam se bulaiye.

Abhishek- jaisa aap kahiye.

Nishchal- main ek baat karne aaya tha apse. Aapne to Raghu aur Bachha Singh ke sath kaam kiya hai to. Unki kuchh pahchan. Kuchh clue. Jisase ham unhe pakad sake. Aur is drugs ke gorakh dhandhe ka khatma kar sake is Shahar se.

Abhishek- Aap befikar rahiye Nishchal ji. Main Khud ek bahut achha chitrakar hoon. Mera hath thik se kaam karne lage tab main aapko Raghu aur BAchha Singh ki Tasweer banakar de dunga. Jisase aap unhe asani se pakad sakte hain,

lekin unko pakadne se kuchh nahhi hoga. unhe pakadne se kewal is Shahar mein Drugs ki supply band hogi. Kyonki wo to bas pyaade hain. Raaza to koi aur hai, jiske ishare par ye kaam hota hai.

Sarita- Kya. In sabke pichhe koi aur hai.

Abhishek- Haan Sarita. Koi aur hai. jisko maine nahi dekha. Wo do log hain. Bachha Singh unhe Boss aur Sarkar kah kar bulata hai. Mujhe nahi pata ye kaun hain.

Lekin haan video call par kai baar maine inhe dekha hai, lekin ye dono apne chehre ko cover kiye the us samay. Isliye agar mere samne se bhi ye dono nikal jaye to main shayad inhe pahchan hi na paun.

Nishchal- Mujhe to pahle se hi shak tha ki iske piche jaroor kisi doosre ka hath hai. ye dono usi ke ishare par kaam karte hain, lekin main shyor nahi tha. Phir bhi aap koi aisa clue ya koi aisi nishani dekhi ho jiske sahare ham un tak pahuch sakein.

Abhishek- mujhe to koi nishani aur clue dhyan mein nahi aa raha hai, maine kewal inki aankhe dekhi hain.

Sarita- bhaiya aap to bahut achhi drowing karte hain. Hubahu taswir bana dete hain aap. Kya aap us boss aur Sarkaar ki aankhon ki tasweer bana sakte hain. Jiski madad se ho sakta hai hame koi clue mil jaye.

Abhishek- Haan bana Sakta hoon Sarita, lekin maine in dono ki aankhe lagbhag mahine bhar ke upar ho gaya tab dekhi thi, to mujhko thoda samay lagega in dono ki aankho ki hubahu taswir banane mein,

ho sakta hai mujhe is dauran kuchh aisa clue yaad aa jaye. Jisase in dono ko pakadne mein aasani ho. lekin ye main tabhi kar paaunga jab mera hath ekdam sahi tarike se kam karne lage. Mujhe kuchh din ka samay chahiye aur.

Nishchal- Thik hai Abhi aap aaram kariye. Main baad mein milta hoon aapse.


Itna bolkar nishchal uske kamre se bahar chala jata hai. thodi der Sarita usase baat karti hai fir wo bhi apne kamre mein chali jati hai.

In dino Nishchal Sarita se jyada baat nahi karta tha, kyonki Sarita uski baato se chidhti thi. is samay Sarita khud bahut pareshan thi. Nishchal use chhidakar aur pareshan nahi karna chahta tha.


Isi tarah din bit rahe the. Jawed ne Heera ki bahut ache se khatirdari ki, lekin Heera ne apna munh nahi khola, halanki Abhishek ne kaha tha ki wo Raghu aur Bachha singh ki taswir banayega thik hone ke baad, lekin Nishchal jald se jald Us Aadmi ko pakadna chahta tha. jisne Uske upar goli chalayi thi jise Sarita ne apne upar liya tha. Isiliye Nishchal Raghu tak pahuchane ka rasta talash kar raha tha.


Sarita bhi PS jati aur apna kam karti rahti. Sarita ke Mummy papa ko gaye huwe 3 din hi huwe the Subah 8 baje ka samay tha tabhi Sarita ke paas Ek khabar aayi. Manisha ne Sarita ko phone kiya.


Manisha- Hello. Didiya.

Sarita- Haan Bolo Manisha. Kya huwa. Tum itni ghabrai hui kyon ho.

Manisha- Didiya. Papa chakkar kha kar gir pade hain. Wo hospital mein admit hain. Aap jaldi se aa jao.

Sarita- Kya. Ye sab kaise huwa. Main aa rahi hoon. tum chinta mat karo.


Manisha se baat karne ke baad Sarita ne phone rakha to Savita ne poocha.


Savi- Kya huwa Sarita. Kiska phone tha. tum itni pareshan kyon ho.

Sarita- Di mUjhe ghar jana hoga. Papa hospital mein hain. Unhe chakkar aa gaya tha.

Savi- kya. Ye sab kaise ho gaya.

Sarita- Pata nahi di. Manisha ne bataya. Jaisa bhi hoga ghar jakar aapko phone karti hoon. Aap Sir ko bata dijiyega.

Savi- Thik hai tum jao. Main Nishu ko bata dungi.

Sarita- Di. Bhaiya ka thoda dhyan rakhiyega.

Savi- Tum uski fikar mat karo. Main sab sambhal lungi.


Iske baad Sarita Abhishek ke paas chali gayi. Use papa ki condition ke bare mein bataya aur apne kamre mein aakar taiyar hui aur gadi se hi Allahabad ke liye nikal gayi.


Iske Aage ki Kahaani Agle Bhag mein..​

Police walo ki naukri jitni gali sunne wala hai utna hi khatre aur bidambano se bhara hua hota hai. Mujrim koyi dusra ho to koyi bat nehi lekin mujrim family members me se koyi ban jaye aur vo hathte chad jaye to samne jaise bidambano ka pahad khada ho jata hai.

Mujrim ko mujrim ke najar se dekhe ya family member ki najar se dekhe. Family member ki tarh trit kare to samajh jeena muskil kar dega aur mujrim ki tarah trit kare to family wale suna suna ke jina dubhar kar dete hai.

Sarita ke samne waisa hi ghadi aa khada hua ma chahti hai abhishek ke saja n mile par jo jurm abhishek ne kiya us saja to milna hi tha. To nishchhal ne ek rasta sujaya abhishek sarkari gavah ban jaye aor abhishek maan bhi gaya.

Ab to sarita ko raghu aor bachha singh ka skace mil jayega jo abhishek banane kar dega chlao abhishek ki kalakari kahi to kaam aa rha hai der se hi sahi. Jab raghu ka skace banega tab sarita kiya karegi sarita to nishchal ko chhod raghu ko man hi man chahne lagi thi jab janega uska man ka mit subhchintak jo guldasta bhej bhej kar pyaar ko parvan chhada raha tha vo ek khunkhar mujrim hai tab to sarita ka dil tut kar chaknachur ho jayega.

Mahi ji raghav par thoda tarash khaiye vichare ko kab tak food delivery boy banakar rakhenge ab koyi aor kaam de dijiye kahi aisa n ho food delivery karte karte vabarchi na ban jaye.

Adbhut atulniya lekhan kaushal

 

[Destiny]

is budhau ki aakhir problem kya hai .. har baar bich aake rok tok karne lag jaata hai...
Kabhi kabhi to lage ki abhishek uska saga beta hai bhi ke nahi
Budhau ko sarita se kuch zyada hi pyar hai are koi Mahendra budhau ko bulao re... Taaki insaaf kar de is story pe aake

Mujhe lag raha hai budhau ko sarita aur abhishek. Ke bich ki ilu ilu ka pata isliye dono ko dur dur rakhkar apna sikha jamana chahta hai

 

[Destiny]

UPDATE- 64


Allahabad pahuch kar Sarita sidhe Manisha ke bataye huwe hospital pahuchi. Waha par Rani ji Aur Manisha Aanand ji ke paas ek kamre mein the. Sarita ko dekhte hi rani ji Ne use gale laga liya aur runghe huwe gale se boli.


Raani ji- Ye Sab Kya ho raha hai hamare sath Sarita. Pata nahi kiski buri najar lag gayi hai hamare ghar ko. Pahle tu 1 hafte hospital mein thi, Fir Abhishek 1 hafte hospital mein tha aur ab tere papa hospital mein hain.

Sarita- Aap shant ho jaiye mummy. Aisa kuchh bhi nahi hai. Ise bas ek bura sapna samajhkar bhool jaiye. Bas apna bura vakt chal raha hai. Kuchh samay mein ye bhi bit jayega.

Aanand ji- Yahi to main kab se samjhane ki koshish kar raha tha Sarita. Thodi kamjori ki wajah se mujhe chakkar aa gaya tha. Lekin isne nahi mana aur tumhe phone karke pareshan kiya.

Raani ji- to main kya karti. Kitna ghabra gayi thi main pata hai aapko.

Sarita- Papa. Aap jyada baat mat kariye. Aaram kariye aur jaldi se thik hokar ghar chaliye.


Sarita ne phone karke Savita ko Aanand ji ke haal chal ke bare mein bata diya. Do din hospital mein rahkar Aanand ji ghar par aa gaye. Sarita ne Aanand ji ke sewa ki sari jimmedari apne kandhe par le li. Aanand ji do din mein thik ho gaye. Subah ke lagbhag 10 baje the. Sarita ke paas nishchal ka phone aata hai.


Nishchal- Hello Sarita.

Sarita- Haan Sir boliye.

Nishchal- Ab kaisi tabiyat hain Uncle ki.

Sarita- Ab thik hai papa ki tabiyat.

Nishchal- tum kaisi ho.

Sarita- Main bhi thik hi hoon.

Nishchal- Uncle ka dhyan rakhna. Kab aa rahi ho wapas.

Sarita- 2-3 din mein aa jaungi main. abhi phone rakh rahi hoon. thoda kam hai mujhe.

Nishchal- Thik hain rakho. (Man mein) Thodi der baat bhi nahi kar sakti hai ye ladki. Pata nahi kaun sa kaam hai.


Nishchal se baat karne ke baad jaise hi Sarita ne apna phone rakha. Tabhi Sarita ka mobile fir se bajane laga. Ek Unknown No. se phone tha. Sarita ko samajhte der na lagi ki ye Raghu hi hai. Sarita ne phone uthaya aur kaha.


Sarita- Hello kaun.

Raghu- hey Sarita ji. Nahi pahchana.

Sarita- Jab tak aap batayenge nahi tab tak ham kaise pahchanenge aapko.

Raghu- Meri aawaz to pahchan hi sakti hain aap. Aapne to mera dil tod diya. Chaliye ham hi apna parichay de dete hain. Ham hain Gusldaste wale.

Sarita- (muskura kar) Haan ab pahchan gaye aapko. Aur bataiye kaise hain aap.

Raghu- Ham to ache hain. Aap kaisi hain.

Sarita- Ham bhi thik hi hain.

Raghu- Aapse mulakar ko bahut din ho gaya. Bas phone par hi baat hoti hai apni. Agar aapke paas samay ho to ham aapse milana chahte hain.

Sarita- Ham to abhi Allahabad aaye huwe hain. Abhi to mulakat sambhav nahi hai.

Raghu- Ham bhi Allahabad mein hi hain. Isi liye to aapse milne ke liye phone kiya hai.

Sarita- Aap Allahabad mein kya kar rahe hain. Aapko kaise pata chala ki main Allahabad mein hoon.

Raghu- PS gaya tha apke to pata chala ki aap ghar aayi hui hain. Main apne kaam se Allahabaad Aaya huwa hoon. to socha aapse mulakat bhi kar loon.

Sarita- Abhi to ye sambhav nahi hai. Papa ki tabiyat kharab thi to isliye ghar aayi hoon. Baad mein milte hain aapse.

Raghu- Mujhe aapse kUchh bahut jaroori baat karni thi. Bas adhe ghante ka samay nikal kar mil lijiye mujhse.

Sarita- Thik hai Fir. Usi coffee shop mein milte hain Jahan us din Coffee pi thi. Coffee pite huwe baat karenge.

Raghu- Thik hai Fir. Kab tak aa rahi hain aap waha.

Sarita- 1 ghante mein pahuch rahi hoon main waha.


Sarita Kuchh jaroori kaam ka bolkar Raghu se milne Usi coffee shop par pahuch gayi. Jisme unhone pichhli baar coffee pi thi. Raghu waha par pahle se hi maujhood tha.


Dono Coffee shop ke andar gaye aur ek kone ki table par baith gaye. Raghu ne Coffee ka order diya. Kuchh der mein coffee aa gayi. Coffee pite huwe Sarita ne Raghu se kaha.

Sarita- (muskura kar) Haa ji guldaste wale. Bataiye Aise kaun si baat karni thi aapko jo aap ne mujhe urgent mein bulaya.

Raghu- Guldaste wale nahi Sarita ji. Bande ko Raghu kahte hain.

Sarita- Aapka kitna Achha naam hai, lekin aapne is naam ko mujhse chhupakar rakha. To aapne mujhe naam batane ke liye yaha bulaya hai. Wo to aap mujhe phone par hi bata sakte the.

Raghu- Bata to sakta tha Sarita ji, Lekin main jo baat aapse kahne jar aha hoon. wo phone par batane wali baat nahi thhi. Aur naam ka maine kaha tha aapse ki jab apni agli mulakat hogi to main aapko apna nam bhi bata dunga. Dekhye. Maine apna wada nibhaya.

Sarita- Kuchh bhi kahiye aap aadmi bahut dilchasp maloom padte hain. Ab mudde ki baat kar le. Aap mujhse kuchh jaroori baat karna chahte hain.

Raghu- Baat to karni thi. Lekin samajh mein nahi aa raha hai ki kaise shuruaat karu.

Sarita- Are Aap ek baat kahne ke liye itna soch rahe hain. Jo bhi aapko kahna hai bol dijiye bindas hokar.

Raghu- Main bol to doon, lekin mujhe dar lagta hai ki kahi aap naraz ho gayi mujhse to kya hoga.

Sarita- Aise kaun si baat kahne ja rahe hain aap jo main naraz ho sakti hoon.

Raghu- Aap naraz ho sakti hain. Aap apni dosti bhi tod sakti hain. Isliye himmat nahi ho rahi hai bolne ki.

Sarita- Aisa kuchh nahi hoga Raghu ji. Aap ko jo kahna ho nihsankoch kahiye.

Raghu- Main kah to doonga, lekin aapko wada karna hoga ki aap meri baat sun-ne ke baad naraz nahi hongi, Apni dosti nahi todengi. Aur meri baato par vichar karengi. Agar aap ye wada karein to main apni bat kahunga.

Sarita- Aisi kya baat hai jiske liye aap bato ka Pulinda bandh rahe hain. Chaliye thik hai main wada karti hoon ki main aapki baato se naraz nahi houngi, aapni dosti aisi hi rahegi aur aapki baato par main vichar karungi, Ab bataiye kya baat kahni hai aapko.

Raghu- Sarita ji. Main apni baat ghuma firakar nahi karunga aapse. Isliye main siddha siddha bolta hoon. maine jis din se aapko dekha hai. Main aap par fida ho gaya hoon. main aapse pyaar karne laga hoon aur shadi bhi karna chahta hoon.

Sarita- (Chauk kar) Kyaa. Kyaaa kaha aapne. Aap aisa kaise soch sakte hain.

Raghu- Dekhiye. Aapne kaha tha ki aap naraz nahi hongi. Isliye maine apne dil ki baat aapse kahi hai. Jaroori nahi hai ki jo aapke liye mere dil mein jagah hai wohi jagah mere liye aapke dil mein ho. Main aapke sath koi jabardasti to kar nahi raha hoon. bas mujhe jo feel ho raha tha itne din se wo maine kaha hai aapse.

Sarita- Dekhiye Raghu ji. Main naaraz nahi hoon aapse. Lekin main abhi iske liye taiyar bhi nahi hoon. Aap sach mein bahut ache ladke hain. Jis ladki se aapki shadi hogi wo bahut kismatwali hogi, lekin main shadi apni gharwalo ki marji se hi karungi.

Filhaal to mere life mein pyaar ke liye koi jagah nahi hai, lekin agar kabhi aisa huwa bhi to isme bhi ghar walo ki marji shamil hogi. Main aapke jajbato aur bhavnaon ki kadar karti hoon, lekin abhi main iske bare mein nahi sochna chahti.

Mera abhi ek goal hai jo mujhe hasil karna hai. Jiske bare mein maine bahut pahle se soch rakhaa hai. Isliye Mujhe maaf kar dijiyega Aap.


Raghu ko Sarita ki baat sunkar gussa to bahut jyada aa raha tha, lekin usne badi muskil se apne jajbato aur gusse ko control kiya aur apne gusse ko chhupate huwe apne chehre par muskan late huwe bola.


Raghu- Are Sarita ji. Aapko maafi mangne ki jaroorat nahi hai. Jaroori thodi hi hai ki jo aapse pyaar kare aap bhi usase pyaar karo. Shayad meri kismet mein aapka pyaar nahi likha, lekin aapki dosti par mera adhikar hamesha rahega.

Sarita- Jaroor Raghu ji. Hamari dosti hamesha aise hi rahegi. Mujhe lagta hai ki mujhe ab chalna chahiye. Ghar mein papa aur mummy mera intezar kar rahe honge. Do din baad jaunpar aaungi tab mulakat hogi.

Raghu- Thik hai Sarita ji. Ham aapka intezar karenge jaunpur mein.


Uske baad Sarita Raghu se vida lekar ghar chali gayi. Uske jate hi Raghu ne gusse se apna hanth deewar par de mara aur kaha.


Raghu- Sarita. Tune mera pyaar Sweekar nahi kiya to kya huwa. Tu meri dost banker hi mera sara kaam karegi. Bas kuchh din aur. Ek baar tujhe apne vishwas mein le lu. Fir tu wahi karegi jo main chahunga.


Raghu yahi sab badbadata huwa chala gaya. Udhar Nishchal aaj office nahi gaya tha. Usne aaj Office nahi jane ka man banaya tha. dophar ka samay tha. Nishchal apne kamre mein baithkar aaram kar raha tha ki tabhi uska mobile bajne laga. Usne dekha to call jawed ki thi. Nishchal ne call pich kiya aur bola.


Nishchal- Hello Jawed,

Jawed- Sir. Jaldi se aap yaha aa jaiye. Heera toot chuka hai. Wo apne sathi ka Screch banwane ke liye taiyar ho gaya hai. Sath hi uska naam bhi bata diya hai usne..

Nishchal- Kyaa. Ye sab huwa kaise, Ruko main aa raha hoon waha.


Itna kahkar Nishchal ne phone cut kar diya aur taiyaar hokar Jawed ke paas chala gaya. Jawed ke paas pahuch kar Nishchal bola.


Nishchal- Jawed jo aadmi apni juban nahi khol raha tha. hamara itna bhayankar torchor sahta raha. Tumne aisa kya kar diya ki uska Schreach banwane ke liye taiyar ho gaya hai.

Jawed- Jyada kuchh nahi Sir, bas maine iske ghar walo ki information nikalwayi aur isko bata diya, uske baad to mujhe kuchh karna hi nahi pada, ye sab kuchh apne aap ugalta chala gaya.

Nishchal- bas gharwalo ke bare main sunkar hi isne sabkuchh bata diya aur schreach ke liye taiyar ho gaya. Vishwas nahi hota.

Jawed- Are nahi sir . Bahut mehnat lagi hai iske pichhe.

Nishchal- (hairani se) Tum kahna kya chahte ho.

Jawed- ghar walo ki information nikalne ke baad jab maine ise bataya to ye kuchh bol hi nahi raha tha, lekin jab maine isase kaha ki agar ye chupchap baitha rahega to iski saza iske gharwalo ko milegi.

Main sabko ek ek karke kisi case mein fansakar jail mein dal dunga. Fir sath mein happy family khelna jail mein hi. Fir bhi ye nahi mana to maine iske bhai ko pakadkar jail mein dal diya. Tab jakar ye toota hai.

Nishchal- Lekin ye to galat baat hai na jawed. Aakhir iske gharwalo ka iski kartoot mein hissedari nahi hai. Isme koi Kasur nahi hai iske pariwar ka. Fir ham kisi nirdosh aur begunah ko aise kaise jail mein dal sakte hain. Waise kaun kaun hai iski family mein.

Jawed- Sir. Iski maa aur bhaai hi hain pariwar ke naam par. Maine iske bhaai ko aise hi nahi pakda hai. Wo pocket marte huwe range hantho pakda gaya tha, jo Heera ko nahi pata tha.

Ise lag raha tha ki maine sach mein iske bhaai ko jail mein dal diya hai aur agar isne hamara sath nahi diya to iski maa ko bhi jail mein dal dunga. Tab jakar ye hamara sath dene ke liye ready huwa.

Nishchal- Bahut babhiya kaam kiya hai Jawed tumne. Main bahut khush hoon tumse.

Jawed- Sir ye sab aapki sangat ka kamal hai.

Nishchal- To chalo dekhte hain progress kahan tak pahuchi hai.


Heera bhale hi Raghu ke liye kaam karta tha, lekin wo apne bhaai aur apni maa se bahut pyaar karta tha. wo nahi chahta tha ki uske karan uski maa aur bhaai kabhi musibat mein pade. Isliye wo apni maa aur bhaai ko apne se door rakhta tha, bas samay samay par unhe paise bhej deta tha. ye alag baat thi ki Heera ki maa aur uske bhaai ko iske karnamo ke bare mein pata nahi tha.


Screach artist ko lekar Nishchal aur Jawed Heera ke paas chale gaye. Thodi hi der mein Heera ke bataye gaye huliye ke anusar screech banker taiyaar ho gaya. Nishchal ne us screech ko Jawed aur Mohit se kahkar poore area mein Circulate karwa diya.


Idhar Sarita bhi apne ghar aa gayi thi aur apne kamre mein baithi hui aaram kar rahi thi.


Iske Aage ki Kahaani Agle Bhag mein..​

Sala rode side romiyo ne bada hi jinda dili wala kaam kar diya. Jis thanedarni se aache ache mujrim darte hai mahashy bina hichke pyaar ka ijhar kar diya.

Jiske liye n jane kitne papad raghu ne bela par buri kismat papad tel me talne se pahle hi tut kar chaknachur ho gaya. Sarita ko raghu ke pyaar ko kabul kar lena chahiye bicha kitna kich kiya paise kharch kar guldsta bheja khud apne hhatho se goli chla sarita ko lamsam yaam ke duvar tak pahucha hi diya. Kair goli to chala to kisi aor par tha lekin sarita ne oodta teer khud hi lapak liya.

Javed to bada hi satir nikla heera muhn nehi khol raha tha to muhn khulbana ka paitra badal diya aor heera ke parivar ko bich me hi ghasit liya. Jisse daar kar heera ne sach oogal diya aor sketch bana diya.

Pakka annand ji ke parivar ko nishchhal aur raghav ki kali najar lag gaya kyuki jab tab in dono ki najar sarita aur manisha par nehi pada tha sab kuch sahi chal raha tha. Nishchhal aur raghav ki najar lagte hi pahle sarita phir abhishek aur ab anaand ji bache manisha aur rani ji to jaisa chal raha hai bari bari ek ke bad hospital ja rahe hai lagta hai jaldi hi rani ji aur manisha bhi hospital pahuch jayenge.

Adbhut atulniya lekhan kaushal

 

[Destiny]

बिल्कुल तालियां बजती रहनी चाहिए तभी तो कहानी के किरदारों को गढ़ने में मजा आएगा।

Taliya bajate bajate kahi charcha ye aam na ho jaye ye tali bajane wala

 

[Destiny]

अंग्रेजी बहुत मजबूत है ना इसलिए ऐसे शब्द निकल कर सामने आ रहे हैं।

Angreji hai bada bhari shavd kuch palle nehi padta chalo acha hai ek jodi dar to mila

 

[Destiny]

जो Destiny साहब ने हाईजैक को पहनाया था और वो लाल हो गई थी।

Maine koyi mask bask nehi pahnaya tha mai to bas sach bataya tha. Vo khud hi khisiyani billi ban lal ho gayi thi